آنا صحیفه گوندم |
آذربایجان رسپوبلیکاسینین پرزیدنتی ایلهام علیئو اوکتیابرین ۲۳-ده ایران ایسلام رسپوبلیکاسینین خاریجی ایشلر ناظری جواد ظریفین رهبرلیک ائتدیی نماینده هئیتینی قبول ائدیب.
آخار. آذ خبر وئریر کی، دؤولتیمیزین باشچیسی آذربایجان ایله ایران آراسیندا دوستلوق و مهریبان قونشولوق موناسیبتلرینین اولدوغونو قئید ائدرک، امکداشلیغیمیزین مؤوجود سوییهسینین ممنونلوق دوغوردوغونو وورغولاییب.
پرزیدنت ایلهام علیئو اؤلکهلریمیز آراسیندا شیمال-جنوب، جنوب-غرب نقلیات دهلیزلری چرچیوهسینده امکداشلیق اوچون بؤیوک ایمکانلارین اولدوغونو بیلدیریب. دؤولتیمیزین باشچیسی آذربایجان ایله ایران آراسیندا اقتصادی-تیجاری علاقهلرین اینکیشافیندا حؤکومتلراراسی بیرگه کومیسسییانین رولونو قید ائتدی و کومیسسییانین عینی ترکیبده بوندان سونرا دا فعالیتینی داوام ائتدیره جه یینی وورغولاییب.
ایران ایسلام رسپوبلیکاسینین خاریجی ایشلر ناظری جواد ظریف پرزیدنت حسن روحانینین صمیمی سلاملارینی و خوش آرزولارینی دؤولتیمیزین باشچیسینا چاتدیریب. او، پرزیدنت حسن روحانینین قوشولماما حرکاتینین اؤلکهمیزده کئچیریلهجک ۱۸-جی زیروه گؤروشونده ایشتیراک ائتمک اوچون یاخین گونلرده آذربایجانا سفر ائده جه یینی بیلدیررک سفر چرچیوهسینده دؤولتیمیزین باشچیسی ایله گؤروشونون علاقهلریمیزین داها دا اینکیشافینا تؤحفه وئره جه یینی دئییب.
جواد ظریف قوشولماما حرکاتینین باکی زیروه گؤروشونون آذربایجان طرفیندن یوکسک سوییهده تشکیل اولوناجاغینا امینلیینی ایفاده ائدیب و ۲۰۱۹-۲۰۲۲-جی ایللرده اؤلکهمیزین قوشولماما حرکاتینا صدرلیگی اوغورلا آپاراجاغینی دئییب.
پرزیدنت ایلهام علیئو ایران ایسلام رسپوبلیکاسی پرزیدنتینین سلاملارینا گؤره میننتدارلیغینی بیلدیریب، اونون دا سلاملارینین ایران پرزیدنتینه چاتدیریلماسینی خواهیش ائتدی و قوشولماما حرکاتینین باکیدا کئچیریلهجک زیروه گؤروشو چرچیوهسینده پرزیدنت حسن روحانی ایله گؤروشونو ممنونیتله گؤزلدیینی بیلدیریب.
تاریخ
2019.10.23 / 21:03
|
مولف
Axar.az
|