یوخاری

اردوغانین اسده ژئستی: سورییا تورکییه ایله یاخینلاشیر...

آنا صحیفه گوندم
12 Punto 14 Punto 16 Punto 18 Punto

تورکییه و روسییا راضیلاشماسین‌دان سونرا سورییانین معین ایستکلرینه رسمی آنکارانین مثبت جواب وئرمه‌سی اونو گؤستردی کی، اردوغان سورییانین بؤلونمه‌سینه دئییل، عکسینه، اراضی بوتؤولویونون قورونماسینا چالیشیر.

بو سؤزلری آخار. آذ-آ پولیتولوق ووقار زیفروغلو تورکییه-سورییا مناسیبتلرین‌دن دانیشارکه‌ن دئییب. او بیلدیریب کی، سورییانین حکومت قوه‌لرینین تورکییه سرحدینه - راس العینه، سورییا دموکراتیک قوه‌لرینین (سدق) بوشالتدیغی اراضیلره یئرلشمه‌سی آنکارا-دمشق مناسیبتلرین‌ده معین قدر یومشالمایا سبب اولاجاق:

«عمومیتله، رسمی آنکارا «صولح چئشمه‌سی» عملیاتینا باشلایاندا بیان ائتمیشدی کی، عملیاتین اساس مقصدی سرحدلرین‌ده تهلوکه‌سیزلیگی قوروماقلا یاناشی، سورییانین هر هان‌سی بیر فورمادا بؤلونمه‌سینین قارشی‌سینی آلماق‌دیر. دوزدور، اردوغان بشار اسدین آپاردیغی سیاستی هئچ واخت دستکله‌مه‌ییب و بونو دا اؤز بیاناتلارین‌دا بیلدیریب. حتی او، هر زامان آچیق شکیل‌ده بیان ائدیب کی، سورییادا اساس پروبلم اسد رژیمی‌دیر. اما تورکییه‌نین بو آددیمی بیر داها دونیایا ثبوت ائلدی کی، اونلارین مقصدی سورییانی بؤلمک و یا ایشغال‌چیلیق دئییل، مقصد ساده‌جه، میللی ماراقلارینا و اراضی بوتؤولویونه تهدید اولان قروپلاشمالاری سرحدلرین‌دن اوزاقلاشدیرماقدیر. بونا دا نایل اولدو».

پولیتولوقون سؤزلرینه گؤره، سورییا ایسته‌نیله‌ن حال‌دا تورکییه‌نین آتدیغی آددیملارلا راضیلاشماغا مجبوردور:

«حساب ائتمیرم کی، ایکی اؤلکه آراسین‌دا اولان مناسیبتلر تام شکیل‌ده یاخشیلاشاجاق. چونکی هر ایکی اؤلکه‌نین کئچمیشدن بو گونه قدر بیر بیرینه قارشی سسلندیردیی سرت اتهاملار وار. اما ایسته‌نیله‌ن حال‌دا سورییا تورکییه‌نین آتدیغی آددیملارلا راضیلاشماغا مجبوردور. بو معنادا دوشونوره‌م کی، ایکی اؤلکه آراسین‌دا گرگینلیک نیسبتا آزالاجاق. تورکییه ایله مناسیبتلرین آز دا اولسا دوزلمه‌سی رسمی دمشقین ماراقلارینا خیدمت ائدیر».

تاریخ
2019.10.29 / 09:20
مولف
Axar.az
دیگر خبرلر

بیزنسلریم باتدی، روسیادا رستورانیم باغلاندی - بورچالی

اسرائیلین ایرانا هجومو: اؤلنلرین سایی ۱۰۶۰-آ چاتدی

اورمیادا ۵ محبوس اعداما محکوم ائدیلدی

پزشکیانین خانکندی‌ده بو ژستی کیملری یاندیریر؟ - ویدئو

عراقچی اسرائیل هجوملارین‌دا اؤلنلرین سایینی آچیقلادی

اسرائیل "قارا بایراق" عملیاتینا باشلادی

«توران تووز» «تراکتور» ایله یولداشلیق اویونو کئچیرجک

آذربایجان آمریکایا باشساغلیغی وئردی

پزشکیانلا خانکندی گؤروشونده دیواردا آسیلان خالچانین مساژی

خامنه‌ای ۲۵ گون‌دور کی، بونکرده گیزلنیر - "بیلد"

خبر خطّی
Axar.az'da reklam Bağla
Reklam
Bize yazin Bağla