آنا صحیفه گوندم |
آمریکا کنگرسینده تگزاس ایالتینی تمثیل ائدن رسپوبلیکاچی عضو پیت اولسون خوجالی سویقیریمینین ۲۸-جی ایلدؤنومو ایله باغلی بیاناتلا چیخیش ائدیب.
آذربایجانین آمریکاداکی سفیرلییندن آخار. آذ-آ وئریلهن معلوماتا گؤره، بیاناتدا ۱۹۹۲-جی ایلن ۲۶ فئورالیندا خوجالیدا فاجیعوی شکیلده حیاتینی ایتیمیش ۶۰۰-دن چوخ آذربایجانلینین خاطرهسی یاد اولونوب. او دهشتلی گونده ۶۱۳ آذربایجانلینین ارمنیستان و ام د ب قوهلری طرفیندن وحشیجهسینه قتله یئتیریلدیی، گناهسیز قادین، اوشاق و یاشلیلارین ۲۲ ساعت عرضینده قددارجاسینا اؤلدورولدویو عکس اولونوب.
کنقرس عضوو ۲۸ ایلدیر بو دهشتلی آجی ایله قوورولان و ساغالماغا چالیشان آذربایجانین اوغورلو بیر دؤولت اولماق اوچون جدی سعیله ایشلدیینی قید ائدرک آذربایجانین حاضردا آمریکانین، ائلجه ده گرگین گئوسییاسی رگیوندا یئرلشهن ایسرایلین اعتبارلی دوستو و تجارت طرفداشی اولدوغونو وورغولاییب.
سوندا اولسون دونیادا یئری اولمایان بئله هجوم و قددارلیغی پیسلهیهرک آمریکانین بئله آنلاردا متفیقلری و دوستلارینین یانیندا اولماسینین واجیبلیینی وورغولاییب و خوجالیدا حیاتینی ایتیرمیش آذربایجانلی دوستلارین خاطرهسینی بیر داها احتیراملا آنیب.
تاریخ
2020.03.01 / 10:00
|
مولف
Axar.az
|