آذربایجان‌دا کوروناویروس (جووید-۱۹) پاندمییاسینا قارشی حیاتا کئچیریله‌ن تدبیرلر چرچیوه‌سین‌ده ۵ آپرئل ۲۰۲۰-جی ایل ساعت ۰۰:۰۰-دان اعتباراً ۲۰ آپرئل آپرئل ۲۰۲۰-جی ایل ساعت ۰۰:۰۰-دک یوکداشیمالاری استثنا اولماقلا، آذربایجان رسپوبلیکاسی اراضی‌سینه یئروستو و هاوا نقلیاتی یولو ایله گیریش-چیخیش، او جمله‌دن یئرلی هاوا اوچوشلاری تام شکیل‌ده دایاندیریلیر.

آخار. آذ خبر وئریر کی، بو باره‌ده نازیرلر کابینتی یانین‌دا اوپراتیو قرارگاه‌دان معلومات وئریلیب.

تطبیق اولونان بو تدبیر کورونوویروس خستلیینه داخلی یولوخما حاللارینین اوپئراتیو آشکارلانماسی، یولوخان شخصلرین ایزولیاسییا ائدیلمه‌سی و اونلارین تماسلارینین معین اولونماسی و کارانتینه یئرلشدیریلمه‌سی، کارانتین منطقه‌لرینین قبول ائتمه ایمکانلارینین تنزیمله‌نمه‌سی و اؤلکه اراضی‌سین‌ده خسته‌خانالارین حاضیرلیغینین آرتیریلماسی ایستیقامتین‌ده گؤروله‌ن ایشلرین داها دا گوجلندیریلمیش شکیل‌ده آپاریلماسینا خیدمت ائدیر.

قلوبال پاندئ‌مییا و فؤوقه‌لاده وضعیت شرایطینی نظره آلاراق، خاریجی اؤلکه‌لرده اولان آذربایجان رسپوبلیکاسی وطنداشلارینی تمکین و آنلاییش نوماییش ائتدیرمه‌یه، اولدوقلاری اؤلکه‌لرین کارانتین رژیمینه جدی شکیل‌ده ریایت ائتمه‌یه، سفرلردن چکینمه‌یه چاغیریر و خصوصی ضروری حاللاردا آذربایجان رسپوبلیکاسینین دیپلوماتیک نماینده‌لیکلرینه مراجعت ائتمیی توصیه ائدیریک.