پاشینیان حاکمیتینین ایسرایل‌ده سفیرلیک آچماق ایستیی و قرب مئییل‌لی سیاست آپارماسی ایرانین ماراقلارینا ضیددیر. بونا گؤره ده ایران سون گونلر قاراباغلا باغلی مؤوقعینی دقیقلشدیرمکله اصلین‌ده ایروانا مئساژ وئریر.

بو سؤزلری آخار. آذ-آ آچیقلاماسین‌دا پولیتولوق توفیق عباسوو سون گونلر ایران ایسلام رسپوبلیکاسینین آذربایجان‌داکی سفیرلیینین آکتیولشمه‌سی، آرد-آردا بیاناتلار وئرمه‌سی و بو بیاناتلاردا داغلیق قاراباغ مناقیشه‌سینین آذربایجانین اراضی بوتؤولویو چرچیوه‌سینده حلینی دستکلدیینی خصوصی وورغو ایله اعلان ائتمه‌سینی شرح ائدرکه‌ن دئییب.

او بیلدیریب کی، سون آیلار ایرانین خاریجی سیاستین‌ده داغلیق قاراباغ مناقیشه‌سی خصوصی یئر توتور:

«حتی بونونلا باغلی دفعه‌لرله همصدرلیک فعالیتی بئله تکلیف اولونوب. اصلین‌ده، بو گون ایرانین داغلیق قاراباغ مناقیشه‌سینه ماراق گؤسترمه‌سی و سون بیاناتلاردا بو مؤضونو آکتواللاشدیرماسی طبیعی‌دیر. بو، ارمنیستانین غربیؤنلو سیاستین‌ده ایرانین مانوری کیمی قیمتلندیریله بیلر».

پولیتولوق قید ائدیب کی، بو گون ایسرایل-آذربایجان مناسیبتلری ارمنیستانین رگیون‌دا ایشغال‌چی سیاستینه جدی مانعه تؤره‌دیر:

«محض بو سبب‌دن ارمنیستان حاکمیتی ایسرایلله مناسیبتلرین اینکیشاف ائتدیریلمه‌سین‌ده سون ایللر سیلری آرتیریب. تصادفی دئییل کی، حتی ایسرایل‌ده سفیرلیین تاسیس ائدیلمه‌سی ده گونده‌م‌ده‌دیر. طبیعی کی، بو مسئله آذربایجانی دا ناراحات ائدیر. چونکی ایسرایل آذربایجانین ایستراتژی متفیقلری سیراسین‌دادیر. ارمنیستانین ایسرایل‌ده سفیرلیک آچماسی اؤز نؤوبه‌سینده ایرانین دا ماراقلارینا ضیددیر. احتیمال کی، بو سفیرلیک قدس‌ده آچیلاجاق. بو دا ایرانین رازیلاشا بیلمیجیی بیر مسئله‌دیر. دیگر طرف‌دن، ارمنیستان-ایسرایل مناسیبتلرینین قورولماسی ایسرایلین ایرانین شیمال چیخیشینی باغلاماسی دئمک‌دیر. بونا گؤره ده ایران بو پروسئسلره بیگانه قالا بیلمز».