آنا صحیفه گوندم |
آمریکا پرزیدنتی دونالد ترامپین اؤلکهده اعتراضلارین قارشیسینی آلماق اوچون اوردودان ایستیفاده ائتمهسی واشینگتنون دونیاداکی ایمیجینه جدی زیان ووردو. ایش او یئره چاتدی کی، بیر چوخ دونیا اؤلکهسی ترامپی و آمریکا رهبرلیینی اؤلکهده آکسییاچیلارا قارشی گوجدن ایستیفاده ائتمهمهیه چاغیردی.
بو سؤزلری آخار. آذ-آ آچیقلاماسیندا قلوبال و رئگیونال تهلوکهسیزلیک پروبلملری مرکزینین رهبری، پولیتولوق قابیل حسینلی آمریکادا داوام ائدن ایغتیشاشلار و پرزیدنت دونالد ترامپین گلجیی حاقدا دانیشارکهن دئییب. او بیلدیریب کی، ایغتیشاشلار ترامپین ایمیجینه جدی زیان ووروب:
«آمریکادا قارادریلی وطنداشین پلیس طرفیندن اؤلدورولمهسی اؤلکهده سیاسی زلزله افکتی دوغوروب. حتی اعتراضلار اؤلکه میقیاسیندا یاییلیب. حاضیرکی وضعیت تکجه بیر قارادریلی وطنداشین اؤلومو ایله علاقدر دئییل، بوتؤولوکده سون ایللرده آرتان قارادریلی قتلینه رئاکسییادیر. طبیعی کی، بونا قدر اؤلکهده اتنیک ایغتیشاشلار، ایسلامافوبییا و س. کیمی آنتیدموکراتیک حاللار آرتماقدا ایدی. ترامپین حاکمیته گلمهسی ایله بو پروسئسلره سانکی بیر آز دا تکان وئریلدی. اصلینده نه واختسا بئله بیر اعتراضلارین اولاجاغی بللی ایدی».
قابیل حسینلینین سؤزلرینه گؤره، ترامپین قارشیدان گلن پرزیدنت سئچکیلرینده ایشی چوخ چتین اولاجاق:
«آمریکادا قارشیدان پرزیدنت سئچکیلری گلیر و من دئیردیم، بودفعهکی سئچکیلر اولدوقجا فرقلی و ماراقلی کئچهجک. چونکی سون ایللرده ترامپین یاخین شرق، افغانیستان و س. رگیونلاردا آمریکا حربی کونتینگنتینی آزالتماسی داخیلی آودیتورییادا ترامپا «صلح گؤیرچینی» ایمیجی فورمالاشدیرمیشدی. حتی ترامپین ریتینقینی کیفایت قدر آرتیرمیشدی. لاکین تأسف کی، ترامپ بو ریتینقینی قورویا بیلمهدی. طبیعی کی، بوردا بعضی داخیلی و خاریجی سببلر ده اولدو. بیرینجیسی، ترامپین ایران، ونزوئلا، چین کیمی اؤلکهلره قارشی سرت خاریجی سیاستی آمریکانین نفوذونو زدهلهدی. چونکی آمریکا وطنداشلارینین گؤزلدیی صلح بو دئییلدی. ایکینجیسی، کوروناویروس پاندمییاسینین آمریکا سیچراماسی و چیندن داها چوخ ایتکییه یول آچماسی واشینگتنا باها باشا گلدی. مسئله اوندادیر کی، کوروناویروس آمریکا اقتصادیاتینا چوخ بؤیوک زیان ووروب. کارانتین تدبیرلری ایسه آزادلیغا اؤیرشمیش آمریکا وطنداشلاری اوچون هئچ ده آسان قبول ائدیلهجک بیر وضعیت دئییل. یعنی بوگونکو اعتراضلارین سببلریندن بیری ده محض دؤولتین کوروناویروسلا مباریزهده مثبت ناعیلیت الده ائده بیلمهمهسیدیر. اوچونجوسو، آمریکا هر نه قدر دونیادا دموکراتییانین بایراقداری ساییلسا دا، تأسف کی، اؤز اؤلکهسینده دونیانین هئچ یئرینده اولمایان آنتیدموکراتیک حاللارا راست گلینیر. اؤلکهده ایرقی، دینی آیری-سئچکیلیک، ائتنیک قروپلار آراسیندا قارشیدورما و س. حاللار اوزون ایللردیر مؤوجوددور. حاضیرکی وضعیتده آمریکادا باش وئرهن اعتراضلار اصلینده بو و دیگر پروبلملرین ایللردیر داوام ائتمهسی، حلینی تاپماماسی ایله باغلیدیر. ایغیتشاشلارین قارشیسی آلینماسا، ترامپ آدمینیستراسییاسینین سونو گله بیلر».
تاریخ
2020.06.06 / 09:49
|
مولف
Axar.az
|