آوروپا بیرلیگی سفیرینین بین‌الخالق حقوقون نرما و پرینسیپلرینه ضد اولاراق آذربایجانین داخلی ایشلرینه مداخله جهدی قبول‌ائدیلمزدیر.

Axar.az خبر وئریر کی، بونو خارجی ایشلر ناظیرلیینین مطبوعات کاتیبی آیخان حاجیزاده آوروپا بیرلیینین ارمنیستانداکی سفیری آندرئا ویکتورین طرفیندن سسلندیریلمیش فکرلره دائر سوالا جوابیندا دئییب.

"قاراباغ بؤلگه‌سی آذربایجانین سووئرئن اراضیسیدیر و آذربایجاندا یاشایان دیگر ائتنیک آزلیقلار کیمی، ارمنی ساکینلرین ده حقوق و تهلوکه‌سیزلیگی اؤلکه‌میزین قانون‌وئریجیلیگی چرچیوه‌سینده تامین اولوناجاق.

آذربایجان طرفینین ارمنی ساکینلرله قید ائدیلن استقامتده دیالوگ سعیلرینه مانع‌چیلیک تؤردیلممه‌لی، اراضی بوتؤولویو و سووئرنلییمیزه قارشی اولان غرضلی فکرلره سون قویولمالیدیر"، - حاجیزاده وورغولاییب.

قید ائدک کی، ماین ۱۵-ده آوروپا بیرلیینین ارمنیستانداکی سفیری آندرا ویکتورین مطبوعات کنفرانسی زمانی آوروپا اتفاقی شوراسینین پرزیدنتی شارل میشلین آچیقلاماسینا استنادن بیلدیریب کی، «داغلیق قاراباغین ارمنی اهالی‌سینین حقوق و تهلوکه‌سیزلیگی تامین اولونمالیدیر» و بو مقصدله «بین‌الخالق مخانیزم» یارادیلمالیدیر.