آرایک آروتیونیان ۱۷ آوگوست‌دا قوندارما «میلیس قوه‌لری»، ۱۸ آوگوست‌دا «اوردو رهبرلری» ایله گؤروشوب. اساس مذاکیره آذربایجانا قارشی هانسی آددیملاری آتماق اوزرینده آپاریلیر.

ب.ام.ت تهلوکه‌سیزلیک شوراسین‌دا ایستدیکلرینی آلا بیلمه‌یندن سونرا سپاراتچیلارین «آذربایجان ارمنیلره سویقیریم ائدیر» ادعاسینی «اساسلاندیرماق» مقصدیله تخریبات تؤردجیی، قارشیدورما یاراتماق ایستیجیی گؤزله‌نیلندیر. قاراباغداکی قانونسوز سلاحلی گروپلاشمالارین دؤیوشه حاضیرلاشدیغینا دایر یاییلان معلوماتلاردان سونرا آرایکین قوندارما «اوردوسو» ایله مذاکیره‌لر آپارماسی بو کونتکستده دقت چکیر. بونا پارالل اولاراق، ارمنیستان سرحدده ده گرگینلییی آرتیران گئدیشلر ائدیر.

باش وئره‌نلر ارمنیلرین پلانلارینا دایر احتیماللاری دا اؤنه چیخاریر:

بیرینجی‌سی، قاراباغدا تخریباتلار باشلادیغی واخت سرحدده ده گرگینلیک یارانا، آذربایجانا قارشی ایکی جبهه آچا بیلرلر؛

ایکینجی‌سی، قاراباغداکی قارشی‌دورمانی «ارمنیلره سویقیریم»، سرحده‌کینی ایسه «ارمنیستانا هجوم» اولاراق بین‌الخالق موستوییه چیخارا، باکییا قارشی تضییقین ائدیلمه‌سینه نایل اولماغا چالیشاجاقلار: چونکی ب.ام.ت ت.ش-ده نتیجه الده ائده بیلمه‌سه‌لر ده، ارمنیستان و سپارات‌چیلار مسئله‌نی یئنی‌دن مذاکیره‌یه چیخارا بیله‌جکلرینی و ایستدیکلرینی آلاجاقلارینی دوشونورلر.

گؤرونه‌ن اودور کی، سلاحلار یئنی‌دن ایشه دوشه‌جک. آذربایجان اوردوسو سپاراتچیلارین تخریبات تؤره‌ده بیلجیی آتش نقطه‌لری و مؤقعلرینی محو ائتمکله اونلاری قاباقلایا دا بیلر.