آمریکانین بو گوندن باشلایاراق ایرانی دنیز بلوکاداسینا آلماسی باره‌ده قراری ایکینجی دنیا محاربه‌سین‌دن سونرا آمریکانین بو قبیل‌دن اولان ایلک آددیمیدیر.

تهرانین ادعالارینا و تهدید بیاناتلارینا باخمایاراق، بونون ایران اوچون نتیجه‌لری ۱۲ و ۴۰ گونلوک محاربه‌دن داها آغیر اولاجاق.

اونا گؤره کی، هرمز بوغازینین دنیز بلوکاداسی ایران اقتصادیاتینا گونده تخمیناً ۴۳۵ میلیون دلارا باشا گله بیلر. بونون ۲۷۶ میلیون دلاری اخراجین آزالماسی، ۱۵۹ میلیون دلاری ایسه ایدخالین پوزولماسینا گؤره باش وئره و بونونلا دا ایرانین آیلیق زیانی ۱۳ میلیارد دلارا برابر اولا بیلر.

ایرانین خارجی تجارتینین ۹۰ فایزیندن چوخو بصره (فارس) کؤرفزی واسطه‌سیله حیاتا کئچیریلیر:نفت و گاز حکومتین اخراج گلیرلرینین تخمیناً ۸۰ فایزینی و عمومی داخلی محصولونون تخمیناً دؤردده بیرینی تشکیل ائدیر.

گون‌ده تخمیناً ۱،۵ میلیون بارل نفت اخراجینین دایاندیریلماسی، نفت-کیمیا محصوللاری و دیگر ماللارین اخراجی ایله یاناشی، ایرانین والیوتا احتیاطلارینین بؤیوک بیر حصه‌سینی محو ائد‌جک.

جاسک، چابهار و خزر دنیزی لیمانلاری کیمی آلترناتیو واسطه‌لر عمومی‌لیک‌ده جاری تجارتین یالنیز کیچیک بیر حصه‌سینی احاطه ائتدیینه گؤره، هرمز بلوکاداسینی کومپنساسیا ائده بیلمز.

ایرانین قورودا نفت ساخلاما توتومو دا محدوددور و بلوکادا داوام ائدرسه، تخمیناً ۱۳ گون عرضینده نفت آنبارلاری دولاجاق. بو دا بعضی یاتاقلاردا ایستحصالین دایاندیریلماسینا و اوزون مدت‌لی ساخلاما گوجونون آزالماسینا سبب اولاجاق.

عینی زمان‌دا، والیوتا گلیرلرینین آرادان قالدیریلماسی ریالا، اینفلیاسیایا و اساس ماللارین تداروکونه علاوه تضییق گؤستره‌جک و اقتصادی ثابتلییه جدی تهلوکه یاراداجاق.

بیر سؤزله، ایرانین آمریکایا قارشی اساس تضییق عاملی کیمی استفاده ائتمک ایستدیی هرمز بوغازی، بلوکادایا آلیناندان سونرا تهرانین اؤزونه قارشی داها اؤلومجول عامله چئوریله‌جک.