آمریکا و عمومیتله، کولکتیو قربین جنوبی قفقازلا باغلی پلانی بللی‌دیر. اونلارین اساس مقصدی بورادا روسییایا قارشی یئنی بیر گئوسییاسی کونفرانتاسییا و قیریلما خطی یاراتماق‌دیر. غرب بونو نه رنگلی انقلابلار دؤورونده، نه ده ایندی گیزله‌دیر. یوللار فرقلی اولسا دا، مقصد عینی‌دیر.

بو سؤزلری Axar.az-آ آمریکا-ارمنیستان موناسیبتلرینین یاخینلاشماسی و روسییادان اوزاقلاشماق اوچون آتیلان آددیملار حاقین‌دا دانیشان سیاسی شرح‌چی تراب رضایئو دئییب.

پولیتولوگ آرتیق ایروان و مسکوا آراسینداکی گرگینلیین اؤزونون پیک حدینه چاتما، آچیق مرحله‌یه کئچمه عرفه‌سینده اولدوغونو وورغولاییب:

«پاشینیانین قارشی‌سینا قویولان بیرینجی هدف ارمنیستانین روسییادان اوزاقلاشدیریلماسی و غربه اینتگراسییاسی‌دیر. او، حاکمیته گلدیکدن سونرا ایلک ایش کیمی روسییانین اؤلکه داخیلینده‌کی ال آلتیلاری ایله مباریزه‌یه باشلادی. لاکین حاضیرکی مقام‌دا ارمنیستان و روسییا آراسینداکی کونفرانتاسییا آچیق فازایا کئچمک اوزره‌دیر. پاشینیان ایندیه‌دک روسییادان قورخدوغو اوچون بالانسلاشدیرما سیاستی آپارماغا چالیشیردی، آنجاق بو گون غربه اوز توتدوغونو گیزلتمیر. خصوصیله ک.ت.م.ت عضوو اولا-اولا آمریکا ایله بیرلیکده حربی تعلیملر کئچیرمه‌سی، واشینگتنون بؤلگه‌یه دعوت ائدیلمه‌سی، چوخسایلی سفرلر، روسییا ایله متفیقلیین سهو سئچیم اولماسی ایله باغلی چیخیشلار، جو بایدنین پاشینیانا تهلوکه‌سیزلیک ساحه‌سینده امکداشلیغین گوجلندیریلمه‌سی ایله باغلی مکتوبو باش ناظرین آرتیق اؤز قطعی قرارینی وئردیینی گؤستریر. یعنی پاشینیان غربین بؤلگه‌یه حربچیلرینی گؤندرمه‌سینی و بورادا روسییایا قارشی نؤوبتی جبهه آچیلماسینی ایستییر. سون حادثه‌لر، غربدن وئریله‌ن رئاکسییا پاشینیانین ایستیینین قارشی‌لیقلی اولدوغونو نماییش ائتدیریر. آرتیق باش ناظره و کومانداسینا جدی اعتراضلار وار، حتی چئوریلیش پلانینی گئرچکلشدیرمک ایسته‌یه‌ن ظابطلر و س. حبس اولوندو. قارشی‌داکی گونلرده ایسه آمریکانین پاشینیانی معین حمله‌لردن فیزیکی شکیل‌ده قورونماسی اوچون بیر سیرا آددیملار آتماسی دا ممکون‌دور».