ایرانلی متخصصلر یئرلی استحصال اولان «یئر-هوا» راکتینی «کرار» رئاکتیو پیلوتسوز طیاره‌سی اوچون اویغونلاشدیریبلار.

Axar.az خبر وئریر کی، بو باره‌ده ایران اردوسونون هوا هجوموندان مدافعه قوه‌لرینین کماندانی، بریقادا گنرالی علیرضا صباحی‌فرد دئییب.

گنرال بیلدیریب کی، قوشونلار پیلوت‌سوز اوچوش آپاراتینی ۸ کیلومتر منزللی ترمو «هوا-هوا» راکتی ایله تجهیز ائده بیلیب.

اونون سؤزلرینه گؤره، ایل یاریملیق آراشدیرما و سیناقدان سونرا هوا هجوموندان مدافعه متخصصلری «یئر-هوا» تیپلی راکتده بیر سیرا تکنیکی دییشیکلیکلر ائدیبلر. بئله کی، "مجید» راکتی هوادان آتیلان راکته چئوریلیب.

قید ائدک کی، «کرار» ۴۷ مین فوت هوندورلویه چاتاراق، رکورد ووران ایلک ایران حربی پیلوت‌سوز طیاره‌سیدیر.