۰۹:۲۵

ایرانین اتنیک بلوچلارین یاشادیغی سیستان و بلوچستان ایالتینین راسک شهرینین پلیس منطقه‌سینه سلاحلی هجوم اولوب.

Axar.az ایران مئدیاسینا ایستینادلا خبر وئریر کی، بو باره‌ده بلوچ فعاللارینین کامپانییاسی معلومات یاییب.

بیلدیریلیب کی، گئجه ساعت ۰۲:۰۰ راده‌لریندن باشلایان سلاحلی هجوم زامانی پلیس بؤلمه‌سینده گوجلو پارتلاییشلار اولوب.

راسک شهرینه چوخ سایدا خصوصی قوه‌لرین یئریدیلدیی، کشفیات پوا-لارینین هاوایا قالدیریلدیغی بیلدیریلیر.

بلوچلارین «جیش العدل» سلاحلی گروپلاشماسی بیانات یایاراق هجومون مسئولیتینی اؤز اوزرینه گؤتوروب.

سون معلوماتا گؤره، پلیس مرکزینین داخیلینده و اطرافیندا آتیشمالار داوام ائدیر.

ایرانین پلیس کوماندانلیغی یئرلی واختلا سحر ساعت ۷:۵۳-ده یایدیغی معلوماتدا حادثه‌نی تصدیقله‌ییب.

«سلاحلی هجومچولاردان بیر گروپو اؤلدورولوب و یارالانیب. ترور هجومو نتیجه‌سینده پلیس قوه‌لرینین بیر گروپ امکداشی دا حیاتینی ایتیریب، یارالانیب»،- رسمی بیاناتدا بیلدیریلیب.

اؤلنلرین و یارالانانلارین دقیق سایی آچیقلانماییب.

***

دکابرین ۱۵-ی گئجه ساعت ۰۲-ده سیستان و بلوچستان ایالتینین راسک شهرینده پلیس بؤلمه‌سینه سلاحلی هجوم نتیجه‌سینده ۱۲ پلیس امکداشی اؤلدورولوب.

بو باره‌ده "فارس" خبر آگنت‌لیگی معلومات یاییب.

معلومات‌دا داها ۷ پولیس امکداشینین یارالاندیغی بیلدیریلیب.

قید ائدک کی، هجومون مسئولیتینی ائتنیک بلوچلارین "جیش‌العدل" سلاح‌لی گروپلاشماسی اؤز اوزرینه گؤتوروب.

***

سیستان و بلوچستان ایالتینین راسک شهرینده پلیس منطقه‌سینه ائدیله‌ن سلاحلی هجومون قربانلارینین سایینین آرتدیغی بیلدیریلیر.

بو باره‌ده هجومون مسئولیتینی اؤز اوزرینه گؤتوره‌ن "جیش‌العدل" سلاح‌لی تشکیلاتی بیانات یاییب.

بیانات‌دا ایرانین رسمی مئدیاسینین اؤلدوروله‌ن حکومت مأمورلاری باره‌ده یایدیقلاری معلوماتلارین حقیقتی عکس ائتدیرمدیی قید ائدیلیب.

"جیش‌العدل" هجومدان سونرا پلیس منطقه‌سینی تمامیله اله کئچیردیکلرینی، ۵۰ حکومت مأمورونون اؤلدورولوب و یارالاندیغینی ادعا ائدیبلر.

قید ائدک کی، رسمی ایران مئدیاسی سلاحی هجوم قوربانلارینین سایی ایله باغلی ضدیتلی معلوماتلار یاییر.

سحر ساعتلارین‌دا ۱۲ پلیس امکداشینین اؤلدورولدویو، ۷-نین یارالاندیغی بیلدیریلسه ده، سونرادان اؤلو سایینین ۱۱ اولدوغو بیلدیریلیب.