فرانسا آددیم-آددیم ارمنیستانی محاربه‌یه حاضیرلاییر. جنوبی قفقازدا صولح و ثابتلییه ان بؤیوک تهدید فرانسادیر.

بو سؤزلری Axar.az-آ فرانسانین ارمنیستانی حربی پیکلری واسطه‌سیله کشفیات معلوماتلاری ایله تعمین ائتمیی اوزرینه گؤتورمه‌سی حاقیندا دانیشان تورکییه‌نین اؤلکه‌میزده‌کی کئچمیش حربی آتاشه‌سی، گنرال-لیتنانت یوجل کاراوز دئییب.

کاراوز فرانسانین بئله آددیملارلا تمامیله بؤلگه‌نی قاریشدیرماق و بورادا سؤز صاحبینه چئوریلمک ایستدیینی قید ائدیب:

«اؤتن ایلین اوکتیابر آییندا پاریس و ایروان آراسیندا حربی امکداشلیق مقاویله‌سی ایمضالانیب. ارمنیستان سرعتله سیلاحلاندیریلیر. خصوصیله هاوا هجوموندان مدافعه سیستملری، رادارلار، زیرهلی تکنیکا وئریلمه‌سینه دقت یئتیریلیر. بونلار اکثر حاللاردا قارا دنیز و گرجستان، بعضا ایسه ایران اوزریندن ایروانا گؤندریر. پاشینیانین سون پاریس، لکورنونون ایروان سفری ایله حربی امکداشلیق داها دا درینلشدیریلدی. یاخین واختلاردا فرانسانین ارمنیستان‌دا حربی بازاسینی آچماسی گؤزلنیلیر. فرانسانین رابطه، کشفیات، مشاهده آپارا بیله‌ن چوخلو حربی پیکلری وار. بورادا ان چوخ دیقت چکن مقام فرانسانین ایران، آذربایجان، تورکییه و روسییا حاقین‌دا و خصوصیله سرحد اراضیلرینده حربی حرکتله‌نمه‌لر ایله باغلی پیک معلوماتلارینی ارمنیستانا اؤتورمیی اؤز اوزرینه گؤتورمه‌سیدیر. یعنی رسمی پاریس ایروانا یاردیم پرده‌سی آلتیندا بؤلگه‌نی قاریشدیرماق ایستییر. البته کی، بو، اودلا اویناماقدیر و چوخ تهلوکه‌لی‌دیر. بو، ارمنیستانا صولح و ثابتلیک، امین-آمانلیق گتیرمه‌یه‌جک، عکسینه، اونو فرانسانین موستملکه‌سی ائد‌جک».
گنرال ارمنیستانین یئنی محاربه جهدینه جوابین چوخ کسکین اولاجاغینی وورغولاییب:

«فرانسا و هندستان کیمی اؤلکه‌لر ارمنیستانی اساساً ایران اوزریندن سلاحلاندیریرلار. یعنی تهران ایروانا گؤندریلن سلاحلارین بیر گون اونا قارشی توشلاناجاغینی بیلمه‌لیدیر. ارمنیستانی سلاحلاندیرماق و اؤز تهلوکه‌سیزلیک ماراقلارینی تورکییه ایله روسییادان آیری توتماق واسطه‌سیله بؤلگه‌ده ثابت‌لییی تعمین ائتمک ممکن دئییل. ارمنیستان ایسه فرانسایا بئل باغلاییب تورکییه و آذربایجانا قارشی آددیملاردان چکینمه‌لیدیر. آنکارا و باکی آراسین‌دا امضالانان شوشا بیاننامه‌سی ساده‌جه کاغذ اوزرینده یازیلان بیر سند دئییل. فرانسا و دیگرلرینین فیتنه‌سی ایله بیزه قارشی هانسی‌سا حربی حرکتله‌نمه اولسا، اللرینده‌کی کشفیات معلوماتلاریندان ایستیفاده ائتمه‌یه بیر آن بئله امکانلاری اولمایاجاق. بونو اونوتمامالیدیرلار».

قید ائدک کی، پاشینیانین پاریسه سفریندن سونرا فرانسانین خاریجی تهلوکه‌سیزلیک باش اداره‌سی ایله ارمنیستان کشفیاتی آراسیندا آذربایجان، ایران، روسییا و تورکییه اوزره کشفیات معلوماتلارینین مبادیله‌سینه دایر راضیلیق الده اولونوب. فرانسا ارمنیستانا خصوصیله سرحدلر بویونجا موجود حربی وضعیتله باغلی پیک معلوماتلارینی گؤندرمیی اوزرینه گؤتوروب.