یوخاری

روسییا ارمنیستانلا مناسیبتلره یئنی‌دن باخا بیلر

آنا صحیفه گوندم
12 Punto 14 Punto 16 Punto 18 Punto

روسییانین خاریجی ایشلر ناظری سرگئی لاوروو اؤلکه‌سینین ارمنیستانلا مناسیبتلرینه یئنی‌دن باخا بیلجیینی بیان ائدیب.

Axar.az خبر وئریر کی، بو باره‌ده روسییالی ناظر ۳-جو آنتالیا دیپلماتییا فورومو چرچیوه‌سینده تشکیل اولونان بریفینگده بیلدیریب.

«ارمنیستان طرفی ک.ت.م.ت-نی اونو تک قویماقدا اتهام ائدیر. اما رئال ایشلر بونون عکسینی گؤستریر»، - ناظر دئییب.

لاوروو خاطرلادیب کی، رسمی ایروان ک.ت.م.ت مشاهده میسییاسینین ارمنیستانین آذربایجانلا سرحدینده یئرلشدیریلمه‌سیندن ایمتینا ائدیب.

«ک.ت.م.ت-نین ایروان‌دا کئچیریلن تدبیرینده گئجه یارییادک تشکیلاتین میسییاسینین آذربایجانلا سرحدده یئرلشدیریلمه‌سی اوچون مانداتینین فورمالاشماسی باره‌ده سند اوزرینده ایش آپاریلیب. سند فاکتیکی اولاراق تشکیلاتا داخیل اولان اؤلکه‌لرین خاریجی ایشلر و مدافعه ناظیرلرینین بیرگه سندی ایدی. لاکین بونا باخمایاراق، سحری گون نیکول پاشینیان بوندان ایمتینا ائتدی»، - لاوروو دئییب.

ناظر قید ائدیب کی، ن. پاشینیان ایمتینایا سبب کیمی، کتمت-نین آذربایجانی اتهام ائتمه‌مه‌سینی گتیریب.

«اما بونون آردینجا، چوخ قیسا مدت‌ده آوروپا بیرلیینین سرحدده میسییاسینا ارمنیستان اجازه وئردی. آوروپا بیرلییین ده آذربایجانی اتهام ائتمه‌میشدی، اما اونا اعتراض ائتمه‌دیلر»، - روسییالی ناظر وورغولاییب.

او قید ائدیب کی، رسمی ایروان رگیون‌دان کنار اؤلکه‌لرله امکداشلیغا اوستونلوک وئریر.

«اگر بئله‌دیرسه، ارمنیستان حاکمیتی رگیوندا اولان بوتون فورماتلار باره‌ده قرار قبول ائتمه‌لیدیر. بیز ارمنیستانا قاداغا قویا بیلمریک. اما قراری خالق وئرمه‌لیدیر. بون‌ان سونرا ایسه ائمنیستان حاکمیتی یئنی سیاست کورسونو اعلان ائده بیلر. بئله بیر شئی بیزی ارمنیستانلا مناسیبتلره یئنی‌دن باخماغی مجبور ائدیر. اونلار رگیون‌دا اولان دیگر امکداشلیق فورماتلارینا دا مناسیبت بیلدیرمه‌لیدیرلر»، - س. لاوروو بیان ائدیب.

تاریخ
2024.03.02 / 18:39
مولف
Axar.az
شرح لر
دیگر خبرلر

قازاخین ۴ کندی آذربایجانا قایتاریلدی

ایران رژیمی خالقین حیاتینی بئله تهلوکه‌یه آتیر - گونش

ایران سفیرینین مقصدی صلحو انگلله‌مک‌دیر - مممدوو

اسرائیل ایرانا هجوم اائتدی - ایران‌دا اوچوشلار دایاندیریلدی یئنی‌لنیر

اسرائیل اف-۳۵لرله ایران،سورییا و عراقا ضربه‌لر ائندیریب

بریتانیا ایرانین وظیفه‌لی شخصلرینه سانکسییا تطبیق ائتدی

عبداللهیان تورکیه‌ده: کنسوللوغا گئتدی

صلح‌مراملیلار نیه واختین‌دان اول چیخاریلدی؟ - حاجییئو آچیقلادی

کرئمل تصدیقله‌دی: صلحمراملیلار آذربایجاندان چیخاریلیر

روس صلح‌مراملیلار قاراباغی ترک ائتمه‌یه باشلادی - ویدئو

خبر خطّی
Axar.az'da reklam Bağla
Reklam
Bize yazin Bağla