گونئی آذربایجانین اورمیا شهری ایله باغلی اراضی ادعاسی ائد‌نلره خوی و چایپارا شهرلرینین ایران پارلامنتینده‌کی نماینده‌سی، ملت وکیلی عادل نجف‌زاده مناسبت بیلدیریب.

Axar.az خبر وئریر کی، بو باره‌ده یئرلی سوسیال مدیا فعاللاری پایلاشیم ائدیب.

پارلامنته سئچیلمیی باجاران عادل نجف‌زاده ایلک چیخیشیندا غربی آذربایجان و اورمیا باره‌ده دانیشاراق، تورپاق بوتؤولویونو قورویاجاغینا سؤز وئریب:

«غربی آذربایجانا، اورمیایا باشقا فکرله یاناشانلارا، باشقا گؤزله باخانلارا دئییرم، اونلارین قارشی‌سیندا دایانیب، آذربایجانین حقوقلارینی، غربی آذربایجان و اورمیانین تورپاق بوتؤولویونو قورویاجاغام!»

قید ائدک کی، اورمیا شهریندن ایران پارلامنتینه سئچیله‌ن ۳ نامزددن ایکیسی ملیتجه کورددور. حاکم ممکان و شهین جهانگیری-نین غالب اعلان ائدیلمه‌سیندن سونرا کوردلر اورمیادا فرماندارلیق بناسی قارشی‌سیندا شنلیک آکسیاسی کئچیررک، «اورمیا کوردوستاندیر" شعارلاری سسلندیریبلر.