ایلهام علیئو ۲۰۲۴-جو ایلده فورالین ۱۴-ده آندایچمه مراسمینده باکی اوچون ان مهم بین‌الخالق تشکیلاتلاردان بیرینین تورک دولتلری تشکیلاتی اولدوغونو بیان ائتدی و تورک دنیاسینی اؤز عائله‌سی آدلاندیردی. عینی زماندا او، ایلک دولت سفرینی تورکیه‌یه ائتدی.

Axar.az خبر وئریر کی، بو فکرلری ارمنیستانین کئچمیش مدافعه ناظیرینین معاونی، رسپوبلیکا پارتییاسینین نماینده‌سی آرتاک زاکاریان فیسبوک حسابیندا یازیب.

تورکیه و آذربایجان فاکتورونون جنوبی قافقازداکی رولوندان دانیشان زاکاریان رگیونون تئزلیکله تورکلرین نظارتینده اولاجاغینی دئییب:

«تحلیل‌چیلر بیلدیریرلر کی، جنوبی قافقاز تئزلیکله ایران، روسیا، تورکیه و غرب (ناتو) آراسیندا سرت قارشیدورما میدانینا چئوریله‌جک. عینی زماندا، تورکیه‌نین اساس «خارجی هگمونلوغو» اولمادان رگیونون پتنسیالینین تورک دولتلرینین تشکیلاتینا اؤتورولمه‌سی چوخ چتین اولاجاق. بو ضروری پتنسیال آنجاق پست‌سووئت تورک دولتلرینین رسورسلاریندان استفاده ائدیلمه‌سی نتیجه‌سینده یارانا بیلر و بو مسئله‌ده آذربایجان بؤیوک قارداشی تورکیه‌یه عوضسیز یاردیم گؤسترجک».

زاکاریان زنگزور دهلیزینین اهمیتینه ده دقت چکیب، لاکن پاشینیانی بو لایحه‌دن اوزاق دورماغا چاغیریب:

«اصلینده، زنگزور ترانزیت یولو گله‌جکده روسیا ایله تورکیه‌نی فاصله‌سیز قورو علاقه‌سی ایله بیرلشدیرجک بین‌الخالق مارشروتون بیر حصه‌سی‌دیر. او، ایکی قولدان عبارتدیر: دمیر یولو و آوتوموبیل. مارشروتون اساس حصه‌سی آذربایجان اراضی‌سیندن، ۴۰ کیلومترلیک حصه‌سی ایسه یا ایران، یا دا ارمنیستان اراضی‌سیندن کئچه‌جک.

بو دهلیز آوروپا و آسیا آراسیندا ماللارین داشینماسی اوچون ترانزیت مارشروتلاریندان بیرینه نظارت ائتمک اوچون آچاردیر. یمنده حوثی عصیانچیلارینین یاراتدیغی قیرمیزی دنیز بحرانی داوام ائدیر. بو، گلوبال اقتصادی آرتیمین ۲،۸%-ا قدر آزالماسینا گتیریب چیخاراجاق.

بئله‌لیکله، آسیادان آوروپایا یوکلرین داشینماسی اوچون آلترناتیو قورو یوللارا تعجیلی احتیاج وار کی، بو دا ایپک یولونون ارمنیستان اراضی‌سیندن کئچه‌ن کیچیک حصه‌سینین اهمیتینی آرتیریر. و بوتون دیگر مارشروتلار تورکلرین نظارتینده‌دیر.

آنکارا مارشروتون بو حصه‌سینین ارمنیستان اراضی‌سیندن کئچمه‌سینی ایستییر و ارمنیستانی تام تورکیه‌نین نظارتینده ساخلاماغا چالیشاجاقلار.

نیکولون روسیادان تئز اوز دؤندریب، غربله (اصلینده تورکیه) فلؤرت ائتمه‌سینین اساس سببی بو آنکارا پلانیدیر. بو آرادا رگیوندا تورک اکسپانسییاسینی دایاندیرماغا قادر اولان رئال قوه‌لر یالنیز روسیا و ایراندیر».

او بیلدیریب کی، پاشینیان ارمنیستانی یئنی محاربه آستاناسینا گتیریب چیخاریب:

«دفعه‌لرله دئمیشیک کی، نیکول اؤز خائن سیاستی ایله اؤلکه‌نی یئنی محاربه‌یه حاضرلاییب. ایندی آنکارا و باکی «ارمنی مسئله‌سی»نین حلی اوچون حربی واریانتی نظردن کئچیریر. آنکارادان و «آرساخ»داکی سون غلبه‌دن روح‌لانان باکی «ارمنی پروبلمینی» نهایت حل ائتمیین واختینین یئتیشدیینه اینانا بیلر. بوتون بونلار تورکیه‌نین ایروانا تضییق سیاستینه تام اویغون گلیر. تورکیه‌نین ارمنیستان سرحدلری یاخینلیغیندا فعاللیغی اوزون مدتدیر کی، آزالمیر. گؤرونه‌ن اودور کی، آنکارا آرتیق جنوبی قافقازی اؤز تأثیری آلتینا سالماق اویونونا باشلاییر.

علیئو خصوصیله، تورکیه اردوسو مدلینین آذربایجاندا تام فورمالاشدیغینا دقت چکیب. بو گون آذربایجان اردوسو تکجه تورکیه اردوسونون کیچیک مدلی کیمی دئییل، هم ده اونون ترکیب حصه‌سی کیمی انکشاف ائدیر».