ب.م.ت-نین سیویلیزاسییالار آلیانسی دینی دؤزومسوزلویون بوتون فورمالارینا قارشی مبایزه آپارماغا صادقدیر.
Axar.az خبر وئریر کی، بو بارهده ب.م.ت-نین سیویلیزاسییالار آلیانسینین عالی نمایندهسی میگئل آنخئل موراتینوسون باکیدا مختلفلیین قورونماسی: ۲۰۲۴-جو ایلده اسلاموفوبییا ایله مبارزه» مؤوضوسوندا کئچیریلن بینالخالق علمی کنفرانس اشتیراکچیلارینا مراجعتینده بیلدیریلیب.
«بوتون دونیادا مسلمانلار هله ده اسلاموفوبییا ایله اوزلهشیر. دینه و دینی اینانجلارا قارشی آیری-سئچکیلیک ب.م.ت نیظامنامهسی و عمومدونیا انسان حقوقلاری بیاننامهسینین پوزولماسی دئمکدیر. معلوم اولدوغو کیمی، اسلام تولئرانتلیق و معتدللیک دینیدیر. اصلینده، بوتون دینلر مرحمت، قارشیلیقلی آنلاشما و قارشیلیقلی حرمت کیمی هومانیست دیرلری قبول ائدیرلر»، - او وورغولاییب.
م.موراتینوس، همچینین دنیانی عدالتلی، دینج و اینکلوزیو جمعیتلر قورماق اوچون سعیلرینی داوام ائتدیرمهیه چاغیریب.
او، مقدس رمضان آیینین باشلانماسی مناسبتی ایله دنیا مسلمانلارینا ان خوش آرزولارینی چاتدیریب.