آنا صحیفه گوندم |
مارتین ۲۶-ی سحر ساعتلاریندا سوریادا ایرانا باغلی گروپلاشمالارین بازالارینا هوا ضربهلری، تهران حکومتینین ایوردان چایینین غرب ساحلیندهکی سلاحلیلارا ایری حجملی سلاح گؤندرمک جهدلرینه جواب ایدی.
Axar.az خبر وئریر کی، بونو «ایران اینترنشنال» سایتی اسرائیلین آدینین چکیلمهسینی ایستهمهیهن تهلوکهسیزلیک رسمیسینه استنادن یازیب.
معلوماتدا بیلدیریلیب کی، سون هوا هجومو جواد غفارینین باشچیلیق ائتدیی سپاه-این کشفیات خصوصی عملیاتلار ادارهسینه قارشی پلانلاشدیریلان اوزونمدتلی و داواملی عملیاتین بیر حصهسیدیر.
«بو عملیاتدا سلاحلارین اؤتورولمه مارشروتو اسرائیل تهلوکهسیزلیک خدمتی و اسرائیل اردوسو طرفیندن آشکار ائدیلهرک محو ائدیلیب»،- اسرائیللی منبع وورغولاییب.
قید ائدک کی، هوا هجومو نتیجهسینده اؤلدورولهن ایرانا باغلی سلاحلیلارین سایی ۱۵-ا، یارالیلارین سایی ایسه ۳۴-ا چاتیب.
یارالیلارین ۲۴ نفرینین ایرانا باغلی سلاحلیلار، ۱۰ نفرینین ایسه سوریالی ملکی شخصلر اولدوغو بیلدیریلیب.
اونلارین آراسیندا سپاه-این سوریاداکی یوکسک رتبهلی کماندیرلریندن اولان بهروز واحدی ده وار.
هوا هجومو سپاه عضولرینی و لوگیستیک آوادانلیقلاری داشییان ایران نقلیات طیارهسینین دیرالزور هوا لیمانینا ائنمهسیندن بیر نئچه ساعت سونرا باش وئریب.
تاریخ
2024.03.26 / 20:15
|
مولف
جاویدان
|