ارمنی پولیتولوق استپان دانیلیان تاووشدا باشلایان و گئنیشلنه‌ن اعتراض آکسییالارینین «انقلابا سبب اولماماسی»ندان ناراحات‌لیغینی بیلدیریب.

Axar.az خبر وئریر کی، او، ۲۰۱۸-جی ایلده ده عینی پروسسین یاشاندیغینی، آنجاق حاضردا ۲۰۱۸-جی ایلین آپرلینده باش وئرنلرین تکرارلانمادیغینی دئییب.

«معلوم اولور کی:

- یوللار پلیس امکداشلارینین کمکی ایله آچیلا بیلر،

- میتینگه گلن حرب‌چیلر قورخویا دوشه بیلر، عذر ایستیر،

- دولت قوروملاری هجوما معروض قالدیقدا سیز بونکره گیریب، انسانلارین یورولماسینی گؤزله‌یه و یئنی‌دن بونکری ترک ائده بیلرسینیز.

سوال یارانیر: ۲۰۱۸-جی ایلده باش وئرنلر نیه ایندی باش وئرمیر؟ مندن جواب گؤزلمیین»، - پولیتولوق قید ائدیب.

اونون سؤزلرینه گؤره، سببلر چوخ‌دور:

«- هامی باشا دوشور کی، پاشینیان گئتسه، کهنه کریمینال کلانلار حاکمیته قاییداجاق؛

- خالق مخالفتین اینتریگالاریندان بئزیب؛

- هر کس یاشاماق دئییل، ساغ قالماق مجبوریتینده اولدوغو شرایطدن یورولوب؛

- انسانلار گئت-گئده آنلاماغا باشلادیلار کی، بوتون پروبلملرین حلی آذربایجانلا صلح مقاوله‌سی امضالاماقدان، اراضی ادعالاریندان ال چکمکدن، رگیوندا کمونیکاسییالارین آچیلماسیندان کئچیر».