مایین ۱۱-ده شوشادا کئچیریله‌ن «خاری‌بولبول» ۷-جی بین‌الخالق موسیقی فستیوالیندا نوبتی کنسرت پروگرامینی تورکییه‌نین مشهور «آنادولو آتشی» رقص گروپو تقدیم ائدیب.

Kult.az خبر وئریر کی، جیدیر دوزونده صحنه‌یه چیخان گروپ بو گونه‌دک گؤستردیی پرفورمانسین ان محتشمینی نمایش ائتدیریب.

چیخیشلار تاماشاچیلارین آلقیشلاری ایله مشایعت اولونوب.

خاطیرلاداق کی، ۱۹۹۹-جو ایلده مصطفی اردوغانین رهبرلیی ایله یارادیلمیش «آنادولو آتشی»نین ایلک آدی «رقصین سلطانلاری» اولوب. گروپون یارادیلماسینین مقصدی شرقله غربین مدنیتلرینین بیرلشمه‌سی و صلح ایدی. دوخسان نفر گنج رقاصلا فعالیته باشلایان گروپ ۲۰۰۲-جی ایلدن دنیا تورونا باشلاییب، ۹۳ اؤلکه‌ده ۳۸۵۰ شوو گؤستریب، ۳۵ میلیوندان چوخ سنتسور طرفیندن ایزلنیلیب.

«آنادولو آتشی» ۲۰۰۱-جی ایلدن بو گوندک اسرائیل، آلمانییا، چین، نیدرلاند، اوکراینا، بلچیکا، ایسوئچره، یاپونییا، آوسترییا، قطر، لیوییا، روسیا، آذربایجان، رومینیا و دیگر اؤلکه‌لرین صحنه‌لرینده چیخیش ائد‌رک آنادولو مدنیتینی دنیایا تانیدیب.

قید ائدک کی، فستیوالین بیرینجی گونونده، همچنین هوسنو شنلندیریجی (تورکیه) و حسین محمداوغلونون (آذربایجان)، سرکان چاغری (تورکیه) و اورخان موسی‌یئوین، سنم عبدالعظیم زاده (ایران) و رشاد ایلیاسوون (آذربایجان) کنسرت پروگراملاری تقدیم ائدیلیب.

خاطیرلاداق کی، بو ایل شوشادا و لاچیندا کئچیریله‌ن «خاریبولبول» ۷-جی بین‌الخالق موسیقی فستیوالی مایین ۱۳-دک داوام ائد‌جک.