آنا صحیفه گوندم |
ارمنستانین ۵ آپرئل بروکسل گؤروشو عرفهسینده و اوندان سونرا سرحدده تخریبات تؤرهدجهیی گؤزلهنیلن ایدی.
Axar.az خبر وئریر کی، ارمنستانین سرحدیمیزه اوردو توپلادیغی حاقدا ایلک فاکت و گؤرونتولر مارت آیینین سون گونلرینده اورتایا چیخدی. اؤتن گون ایسه بو پروسئسین داوام ائتدیینی تصدیقلهین نوبتی گؤرونتولر یاییلدی.
آپرئلین ۴-ده او دا بللی اولدو کی، سپاه-آ عایید اولان ایران طیارهسی سراب و تهراندان ایروانا ۲۹ مارت-۴ آپرئل تاریخلری آراسیندا ۵ آویارئیس حیاتا کئچیریب و اونون حربی یوک داشیدیغی احتمالی یوکسکدیر. عکس حالدا بو قدر اینتئنسیولیکله حربی یوک طیارهسینین سپاه بازالاریندان ایروانا اوچوش ائتمهسینین منطیقی یوخدور.
سرحده اوردو توپلاماقلا برابر، ایراندان سلاح تداروکونو سرعتلندیرن ارمنستان تبلیغات ساواشینی دا گئنیشلندیرمیشدی. بوتون گؤروشلرده آذربایجانین «ممکن تجاووزو» مذاکیرهسی آپاریلیردی.
بو گون ده آوروپالی سیاسیلار، اساساً ده فرانسیز مئدیا تمثیلچیلری آذربایجانین آتشکسی پوزدوغو، ارمنستانی جاوابا تحریک ائتدیی، گئنیشمیقیاسلی حربی عملیات اوچون سبب آختاردیغی حاقدا گئنیش تبلیغاتا باشلاییبلار و پروسئس گؤستریر کی، بو سسئنارینین مؤلفی قطعیا ارمنستان دئییل.
آپرئلین اولینده آمریکا دولت کاتیبی انتونی بلینکن پاریسده فرانسا حارجی ایشلر ناظیری ایله گؤروش کئچیرهندن سونرا مطبوعات کنفرانسیندا سژورنه هئچ بیر سبب و ضرورت اولمادان آذربایجانین ارمنستانا تجاووز ائتمک نیتینده اولدوغونو بیلدیرهرک، ارمنستانا «میثیلسیز دستهیینی» اعلان ائتدی. بلینکنین بروکسلده پاشینیانلا گؤروش اؤنجهسی فرانسادا دانیشیقلار آپارماسی و آردینجا سئژورننین بو ایفادهسی تصدیقلهییر کی، سسئناری بئلهدیر: ارمنستان سرحده اوردو جمعلهلییر، ایران هانسیسا حربی-تکنیکی دستک گؤستریر – یا لوجیستیک، یا دا اؤز پتنسیالیندان – و سرحدده تخریباتلارلا لوکال قارشیدورما یارادیلیر، غرب بونون «گؤزلهنیلن» اولدوغونو ادعا ائدیر، چونکی آیلاردیر بو تبلیغاتی آپاریر و ایندی بونون گئرچکلشدیینی بیلدیریر، نتیجهده ارمنستانین کوتلهوی تهلکهسیزلیک تشکیلاتی مقاویلهسی طرفیندن قورونمادیغی بهانهسی گوجلنیر، بو اؤلکهیه غرب قوهلرینین گلمهسینه و سرحده یئرلشمهسینه شرایط یارادیلیر.
البته، بوتون پروسئسین روسییایا قارشی حاضیرلاندیغی معلومدور، آنجاق غرب بو پروسئسی آذربایجان اوزریندن، آذربایجانی واسطه ائدرک آپاریر و بو دا رسمی باکینین ماراقلارینا قطیعا اویغون دئییل.
آذربایجان لیدری ایلهام علیئو آمریکا دولت کاتبی بلینکنله تلفن دانیشیغیندا سئژورنئنین یالان دانیشدیغینی بیرباشا بیلدیردی و بو زیانلی سیاستین نتیجهلری حاقدا خبردارلیق دا ائتدی. بو خبردارلیغا باخمایاراق، سسئناری انکیشاف ائتدیریلیر – سرحدده آتشکس پوزولماسی و بونا پارالئل اولاراق آذربایجانین سوچلانماسی اینتئنسیولیگی سرعتله آرتیر.
غرب اؤز قوهلرینی ممکن قدر تئز ارمنستاندا یئرلشدیرمهیه چالیشیر و بونون «اساسی» ایسه آذربایجانلا «توققوشمادیر». بئله گؤرونور کی، غرب بوندان باشقا اساس تاپمادیغیندان، بو سسئنارینی تطبیق ائتمکدن ال چکمهیهجک.
ایران دا بو سسئنارینین ترکیب حیصهسیدیر و اؤز رولونو اویناماقلا مشغولدور.
بو آرادا، بروکسلده کئچیریلن گؤروشده ارمنستانا ایلده جمعی ۱۴۰ میلیون دوللارلیق یاردیم آیریلدیغی اوزه چیخدی. بو یاردیملا ارمنستانین روسییانین اقتصادی آسیلیلیغیندان آزاد ائدیلمهسی ممکن دئییل و بئله گؤرونور کی، ۵ آپرئل گؤروشونون هدفی ده بو اولماییب. باغلی قاپی آرخاسیندا ساعتلارلا هانسی مذاکیرهنین آپاریلدیغی و نلرین راضیلاشدیریلدیغی ایسه آچیقلانمادی.
بروکسل گؤروشونده آچیق شکیلده ارمنستانین طرفینی توتان فرانسانین اشتیراک ائتمهمهسی ایسه بو پروسئسده پاریسین رول آلمادیغی آنلامینا گلمز - بلینکن سئژورنه ایله گؤروش اؤنجهسی بونا گؤره گؤروشموشدو.
تاریخ
2024.04.06 / 16:12
|
مولف
Axar.az
|