آنا صحیفه گوندم |
فرانسانین داخلی ایشلر ناظیری ژرار دارمانین طرفیندن فرانسا ملی آسامبلیاسینین حقوق کمیتهسینده آذربایجان-یئنی کالدونییا علاقهلریندن دانیشارکهن اؤلکهمیزه قارشی سسلندیریلمیش اساسیز و اتهام کاراکترلی ادعالاری قطعیتله رد ائدیریک.
Axar.az خبر وئریر کی، بونو خارجی ایشلر ناظیرلیینین مطبوعات کاتبی آیخان حاجیزادنین فرانسانین داخلی ایشلر ناظیری ژرار دارمانینین فرانسا ملی آسامبلیاسینین حقوق کمیتهسینده آذربایجانا قارشی سسلندیردیی ادعالارا دایر جوابیندا دئییب.
«آذربایجانی یئنی کالدونییانین تمثالیندا گویا سپاراتچیلیغا دستک وئرمکده گناهلاندیران فرانسانین داخلی ایشلر ناظیری اونودور کی، محض فرانسا طرفی اوزون مدت عرضینده آذربایجاندا آگرسیو سپاراتیزمی دستکلهیهن آددیملار آتیب، قوندارما سپاراتچی رژیمین نمایندهلرینی فرانسادا متمادی اساسدا یوکسک سویهده قبول ائدیب. فرانسانین حاکم پارتییاسینین تشببوسو ایله فرانسا پارلامنتی آذربایجانین اراضی بوتؤولویو و سووئرنلیینی سوال آلتینا قویان و خلل گتیرن، سئپاراتچی رژیمی تانییان قرار و قطعنامهلر قبول ائتمکله یاناشی، کئچمیش قوندارما سپاراتچی رژیم ایله دوستلوق قروپونون فعالیتینه امکان یاراتدیغی معلومدور.
فرانسانین داخلی ایشلر ناظیری ارمنی اهالینین قتلعامی کیمی آذربایجانا قارشی هئچ بیر اساسی اولمایان گولونج و اوجوز قارایاخمایا جهد گؤسترمک عوضیه، اؤلکهسینین اوزون ایللر بویو حیاتا کئچیردیی و حاضردا دا داوام ائتدیردیی مستملکهچیلیک سیاستی چرچیوهسینده یئرلی خالقلارا قارشی تؤرتدیی انسانلیق علیهاینه جنایتلری، وحشیجهسینه قتله یئتیردیی میلیونلارلا گناهسیز انسانی اونوتمامالیدیر.
بوتون قید اولونانلارین فونوندا فرانسا حکومت رسمینین بینالخالق دولتلرآراسی مناسبتلر باخیمیندان هئچ بیر اتیک چرچیوهیه سیغمادان آذربایجانین کنستیتوسیونال دولت قورولوشو حاقیندا قصداً تحقیر دولو ایفادهلردن استفاده ائتمهسی تمامیله قبولائدیلمزدیر.
بیر داها آذربایجانین داخلی ایشلرینه قاریشماماغی و اؤلکهمیزه قارشی اساسسیز ادعالار سسلهندیرمهیه سون قویماغی فرانسادان طلب ائدیریک.
اؤلکهمیزین اؤز ملی ماراقلارینین قورونماسی اوچون بوندان سونرا دا بوتون ضروری تدبیرلر گؤرجیینی بیر داها بیان ائدیریک»، - او دئییب.
تاریخ
2024.04.30 / 18:37
|
مولف
Axar.az
|