یوخاری

آذربایجان ارمنستان‌دان تضمینات طلب ائتدی

آنا صحیفه گوندم
12 Punto 14 Punto 16 Punto 18 Punto

لاهه صلح ساراییندا "آوروپانین وحشی طبیعتی و طبیعی یاشاییش یئرلرینین محافظه‌سی اوزره برن کونوئنسیاسی"نا اساساً دولتلرآراسی آربیتراژ چرچیوه‌سینده آذربایجانین ادعاسی اوزره ایلک رسمی محکمه پروسسی کئچیریلیب.

بو باره‌ده Axar.az-آ آذربایجان خارجی ایشلر ناظرلیین‌دن معلومات وئریلیب.

بیلدیریلیب کی، ارمنستان طرفیندن آذربایجان اراضیلرینده ۳۰ ایللیک غیری-قانونی اشغالی زامانی تؤره‌دیلن اطراف محیطین گئنیش شکیلده داغیدیلماسینا دایر موجود اولان کلی مقداردا دلیللر اساسیندا ۱۸ یانوار ۲۰۲۳-جو ایل تاریخین‌ده آذربایجان طرفیندن سؤزوگئدن ایلک آربیتراژ پروسسی باشلادیلیب.

"۲۰۲۰-جی ایلده آذربایجان اؤز اراضیلرینین آزاد اولونماسیندان سونرا ارمنستانین اطراف محیطی محو ائتمه‌سی و اونو قوروماماسی ایله باغلی دهشتلی دلیللری اوزه چیخاریب. ارمنستانین بو آددیملاری اراضیلریمیزین طبیعی یاشاییش محیطی و نوعلرینه جدی زیان ووروب، طبیعی احتیاطلارین توکه‌نمه‌سینه سبب اولوب، هابئله موجود بیومختلیف‌لیی محو ائدیب. ارمنستان طرفیندن مئشه اراضیلرین‌ده، او جمله‌دن ۱۹۹۱-جی ایلده بو اؤلکه‌نین غیری-قانونی اشغالینا قدر قورونان طبیعت قوروقلاریندا اکولوژی جهتدن مسئولیت‌سیز و غیری-قانونی تیکینتی و معدن فعالیتی ایله گئنیش شکیلده مئشه‌لرین قیریلماسی، داواملی صورت‌ده آغاجلارین کسیلمه‌سی و چیرکله‌نمه‌سی ایله باغلی فعالیت آذربایجاندا ۵۰۰-دن چوخ جانلی طبیعت نوع‌نو ریسک آلتیندا قویوب"، - معلومات‌دا قید ائدیلیب.

دقته چاتدیریلیب کی، بو گوندک ارمنستان اؤز اراضی‌سیندن آذربایجان اراضی‌سینه آخان ترانس‌سرحد چایلاری چیرکلندیرمکله آذربایجان اراضی‌سینده بیومختلیف‌لییه و جانلی طبیعته ضرر وورماغی داوام ائدیر:

"آذربایجانین ارمنستانا قارشی حقوقی فعالیتی بوتون نوع وحشی فلورا و فااونانین پوپولیاسییالارینی ساخلاماقلا باغلی قانونی عهده‌لیکلر کیمی ساحه‌لرده وحشی فلورا و فااونانین محافظه‌سی، برپاسی و یاشاییش محیطینین یاخشیلاشدیریلماسینی تامین ائتمک، هابئله کونوئنسیادا سادالانان، او جمله‌دن کؤچ ائد‌ن نوعلرین قورونماسی اوچون تدبیرلر گؤرمک کیمی کونکرت ادعالاری اؤزونده احتیوا ائدیر. آربیتراژ چرچیوه‌سینده آذربایجان تریبونالدان ارمنستان‌دان برن کونوئنسیاسینین بوتون داوام ائد‌ن پوزونتولارینا سون قویولماسینی و اطراف محیطین داغیدیلماسینا گؤره تضمیناتین تام اؤدنیلمه‌سینی طلب ائتمه‌یی سورغو ائدیب. سؤزوگئدن آربیتراژ اطراف محیطله باغلی محکمه چکیشمه‌لرینین آپاریلماسیندا علامتدار آددیم کیمی مهم پرسئدنت یاراتماقلا یاناشی، بیومختلیف‌لیکله باغلی دولتلرین اوزرینه قویولان بین‌الخالق حقوقی عهده‌لیکلرین حقیقتا ائفئکتیولیینی تامین ائد‌جک. بو، اؤز نوبه‌سینده، عدالتی تامین ائتمک اوچون جدی سعی‌دیر".

تاریخ
2024.04.12 / 18:38
مولف
Axar.az
شرح لر
دیگر خبرلر

رئیسی‌نین هلیکوپتری قضایا اوغرادی- سون دوروم

امارات-دان ایرانا چاغیریش: دستک وئرمه‌یه حاضیریق!

حماس-دان ایرانلا باغلی مساژ...

مسکوا تهرانا چاغیریش ائتدی

اردوغاندان رئیسینین هلیکوپتر قضاسی ایله باغلی آچیقلاما...

رئیسی بو گون ایروانا گئدجکمیش، سون آندا…

رئیسینی داشییان هلیکوپترین نؤعو باره‌ده معلومات آچیقلاندی

قضا یئریندن نوبتی گؤرونتولر - ویدئو

میشل-دن رئیسینین دوشدویو قضا ایله باغلی آچیقلاما...

عراق رئیسی ایله باغلی گؤستریش وئردی

خبر خطّی
Axar.az'da reklam Bağla
Reklam
Bize yazin Bağla