آنا صحیفه گوندم |
آذربایجان روسیا صلحمراملیلارینی اؤلکهدن چیخاریرکهن، ارمنیستانلا صلح مذاکرهلرینده ایرلیلییش الده ائدیلیرکهن آمریکا کنگرسینه ۴۰ آذربایجان رسمیسی حاقیندا سانکسییا قراری اوچون لایحه تقدیم ائدیلیب.
Axar.az خبر وئریر کی، بو بارهده قافقاز بینالخالق مناسبتلر و استراتژی آراشدیرمالار مرکزی-نین صدر معاونی، سیاسی علملر اوزره فلسفه دکترو ناظیم جعفرسوی قید ائدیب.
او بیلدیریب کی، لایحهنین قبول ائدیلیب-ائدیلمهمهسی آیری موضوعدور:
«آنجاق تقدیم ائدیلهن سیاهیدا اساساً حربیچیلردیر. بو اؤلکهده حاضردا خالق آراسیندا ان سئویلهن قوروملارین باشیندا آذربایجان اردوسو گلیر. اونون دا ان سئویلهن ضابطینی - گنرال حیکمت میرزیئوین آدینی دا یازیبلار سیاهینین باشینا. ایندی بو آددیم آذربایجان خالقینین آمریکا-یا یاناشماسیندا نوبتی جدی نگاتیو دئمکدیر! اوستهلیک گنرال حیکمت میرزیئو مدافعه ناظیرینین معاونیدیر. آمریکا ایله ناتو-نون آذربایجانلا مدافعه ساحهسینده امکداشلیق ائتمک ایستدیی بیلینهن شیدیر. بیر یاندان آذربایجان ایله امکداشلیق ایستهییب، دیگر طرفدن آذربایجان اردوسونون خالق آراسیندا ان چوخ سئویلهن و اردونو ناتو استاندارتلارینا چاتدیرماق اوچون ان چوخ جهد گؤسترن گنراللاریندان بیرینی و اردونو فاکتیکی اداره ائدن مختلف یوکسک رتبهلی ضابطلری قارا سیاهییا آلماق جهدی نه دئمکدیر آخی؟!
سیاهیدا آدی اولان بیر دیگر مهم شخص دولت سرحد خدمتی رهبری گنرال علی ناغییئودیر. گنرال ناغییئو ایسه آذربایجاندا روسیا و ایران آگنتورا شبکهلرینه قارشی اوغورلو عملیاتلاری ایله بیلینهن ملی تهلوکهسیزلیک قورومونون رهبریدیر. اونو بو سیاهییا سالماق هم ده آمریکا ایله آذربایجان آراسیندا تهلوکهسیزلیک امکداشلیغی امکانلارینا جدی ضربه وورماق دئمکدیر!
قیساجا، آمریکا آذربایجان سیاستینده اؤز آیاغینا گوله سیخماغا داوام ائدیر».
تاریخ
2024.04.22 / 23:24
|
مولف
سهراب اسماعیل
|