تهران‌دا یئرلشن و مدنیت خادیملرینین "آذربایجانین مدنی سنگرلریندن بیری» آدلاندیردیغی "اندیشه نو" (یئنی فیکیر) نشریات و کیتاب ائوی باغلانیب.

Kult.az خبر وئریر کی، بو باره‌ده یئرلی مدنی فعاللار معلومات یاییب.

بیلدیریلیب کی، مستقیل موقعیی و آذربایجان دیلی، مدنیتینه وئردیی اهمیته گؤره، «اندیشه نو» نشریات ائوی حکومتین امتیاز و یاردیملاریندان محروم ائدیلیب.

کیتاب نشری و یاییمی اوچون سوبسیدییا آلا بیلمه‌ین مدنی مرکز مادی ایمکان‌سیزلیق و ضرره گؤره فعالیتینی دایاندیرماغا مجبور اولوب.

قید ائدک کی، "اندیشه نو" ۱۹۹۱-جی ایلده تانینمیش آذربایجانلی عالیم و فولکلورشناس محمد فرزانه‌نین قارداشی یوسیف فرزانه طرفیندن تاسیس ائدیلیب.

بو مدت عرضینده بوتون محدودیتلره باخمایاراق، آذربایجان دیلی و مدنیتی ایله باغلی مختلیف کیتابلارین، او جمله‌دن آذربایجان رسپوبلیکاسینین یازیچیلارینین بعضی اثرلرینین نشرینه نایل اولوب.

«اندیشه نو» هم ده تهران‌دا آذربایجانلی یازیچی، موسیقیچی و مدنیت خادیملرینین توپلانتی مرکزلریندن بیری کیمی آد چیخارمیشدی.