بعضا اول چوخ دانیشیب، بیردن-بیره سوسان آداملار حاقین‌دا «توت یئمیش بولبوله دؤنوب» ایفاده‌سی ایشلدیلیر. توت یئمیش بولبول نئجه اولور کی؟ نیه بئله دئییرلر؟

Kult.az «بئله یارانیب» روبریکاسیندا بو ایفادنین نئجه یارانماسی باره‌ده معلوماتی تقدیم ائدیر:

بولبوللر یازین سونلاریندا آغاجلاردا دیمیش گیلاسین، گیله‌نارین، تئز یئتیشن دیگر شیره‌لی میوه‌لرین گون آلتیندا قیجقیراراق دادینی دییشمیش، بیر نوع الکللی ایچکییه چئوریلمیش شیره‌سیندن ایچرک سرخوش اولورلار. گیلاس شیره‌سی «سرخوش» بولبوللرین سسینی عالمه یاییر، جهجهلری ایله ائشی‌دنلری بیهوش ائدیرلر.

توت موسومونده ایسه بولبوللرین سسی چیخمیر. چونکی، بول-بول توت یئدیکدن سونرا اسهال اولان بولبوللر داها اوولکی کیمی اوخویا بیلمیرلر، سس-سمیرلری کسیلیر.

بونا گؤره ده همیشه سؤز-صحبتی ایله مجلیسه سئوینج، گولوش بخش ائد‌ن آداملار هانسی‌سا بیر سببله سوساندا اونلار حاقین‌دا «توت یئمیش بولبول» ایفاده‌سی ایشلدیلیر.