ارمنستانین استینطاق کمیته‌سی آپرئلین ۲۰-دن بری آذربایجان ایله سرحدین دئلیمیتاسییاسینا اعتراض آکسییالارین‌دا اشتیراک ائد‌ن ۱۵ نفره قارشی جنایت تعقیبی باشلادیب.

Axar.az خبر وئریر کی، بو باره‌ده «ایسپوتنیک ارمنستان» معلومات یاییب.

بیلدیریلیب کی، آکسییا اشتیراک‌چیلاری طرفیندن تؤردیلمیش جنایت عمللری ایله باغلی ۱۱ جنایت ایشی باشلانیب.

۷ ایش یوللاری باغلایارکن خولیقانلیق عمللری، املاکا قصداً ضرر وورما، فیزیکی تأثیر گؤسترمه، پلیس امکداشلارینین قانونی فعالیتینه مانع اولما، یول حرکتی قای‌دالارینین پوزولماسی ایله باغلیدیرسا، قالان ۴ ایش ماشین تکرلرینه زیان وورولماسی، آکسییالار زامانی زوراکیلیغا چاغیریشلار، ائلجه ده سلاحلارین الده ائدیلمه‌سی و ساخلانماسی ایله باغلی‌دیر.

تقصیرلن‌دیریلن ۹ شخص آرتیق حبس ائدیلیب، بیری ائو دوستاقلیغین‌دادیر. داها ۳ نفر اؤلکه‌نی ترک اتمه‌مک قاداغاسی ایله هله‌لیک سربست‌دیر، ۱ نفر انضباطی نظارت آلتیندادیر و اونون اؤلکه‌دن چیخیشینا قاداغا وار، ۱ نفر ایسه تربیه‌وی نظارت‌ده‌دیر.
بو حاللارلا باغلی استنطاق داوام ائدیر.