۱۷.۰۴
ایران پرزیدنتی ابراهیم رئیسینیین اولدوغو هلیکوپتر قضایا اوغراییب.

Axar.az خبر وئریر کی، بو باره‌ده «تسنیم» معلومات یاییب.

بیلدیریلیب کی، قضا ایرانین شرقی آذربایجان ولایتینده باش وئریب.

قید اولونوب کی، دولت باشچی‌سینین کولونوندا عمومی‌لیکده اوچ هلیکوپتر اولوب: اونلاردان ایکی‌سی تعیینات نقطه‌سینه چاتا بیلیب.

***

ایرانین داخلی ایشلر ناظیری احمد وحیدی خلاص‌ائتمه گروپلارینین درحال پرزیدنتین هلیکوپترینین قضایا اوغرادیغی اراضییه گؤندریلدیینی بیلدیریب:

«دومانلی هوا ایله علاقه‌دار خلاص‌ائتمه گروپلارینین چاتماسینی گؤزلییریک».

***

ایرانین ویتسه-پرزیدنتی محسن منصوری پرزیدنت ابراهیم رئیسینین هلیکوپترینین قضایا اوغرادیغی اراضییه یوللانیب.

بو باره‌ده ایران حکومتینین سؤزچوسو علی بهادری جهرمی معلومات وئریب.

"اجرا ایشلری اوزره ویتسه-پرزیدنت حکومتین بعضی عضولری ایله بیرلیکده تبریزه یوللانیب"، - دئیه حکومت سؤزچوسو اکس شبکه‌سینده یازیب.

بوندان علاوه، ایرانین صحیه ناظیرینین ده حادثه یئرینه گئتمه‌سی باره‌ده معلومات یاییلیب.

***

تهران پروکورورلوغو بعضی مدیا ایشچیلرینه خبردارلیق ائدیب.

بو باره‌ده ایران تلگرام کاناللاری معلومات یاییب.

"سون بیر نئچه ساعت عرضینده پرزیدنتی داشییان هلیکوپترین قضایا اوغراماسی ایله باغلی بعضی کیو-لر یالان خبرلر درج ائدیبلر. بو حادثه نتیجه‌سینده تهران پروکورورلوغو اجتماعیتی ناراحات ائد‌ن بیر سیرا شخصلره خبردارلیق ائدیب"، - معلوماتدا دئییلیر.

***

خامه‌ای: امید ائدیریک کی، اوجا الله حرمتلی پرزیدنتی و اونون یولداشلارینی ملتین قوجاغینا قایتاراجاق.

بونو ایران رهبری علی خامنه‌ای سپاه عضولرینین عائله‌لری ایله گؤروشده ابراهیم رئیسی و اونو مشایعت ائد‌نلری داشییان هلیکوپترین قضایا اوغراماسی ایله باغلی دانیشارکه‌ن دئییب.

«هر کس بو خدمتکار دسته‌سینین ساغلام‌لیغی اوچون دعا ائتسین. ایران خالقی ناراحات اولماسین، اؤلکه‌نین اداره‌چیلیینده هئچ بیر آخساما اولماز»،- خامنه‌ای بیلدیریب.

***

ایرنا پرزیدنتی داشییان هلیکوپترین شرقی آذربایجان ایالتینین برازین کندی ایله اردشیری آراسینداکی مرکزی دیزمار مئشه‌سینده قضایا اوغراییب.

هلیکوپترده پرزیدنت ابراهیم رئیسی ایله بیرگه تبریزین جمعه امامی حجت‌الاسلام آل‌هاشم، خارجی ایشلر ناظیری حسین امیر عبداللهیان، شرقی آذربایجان گوبرناتورو مالک رحمتی، ایکی پیلوت و بیر پیلوت کمکچی‌سی، تهلوکه‌سیزلیک گروپونون رهبری، محافظه‌چیلردن بیری اولوب.

***

آوروپا بیرلیی ایران پرزیدنتینین هلیکوپترینین آختاریشینا کمک ائتمک اوچون اؤز پیک سیستمیندن استفاده ائدیر.

***

عراق ایران پرزیدنتی ابراهیم رئیسینین اولدوغو هلیکوپترین آختاریشلاری اوچون دؤرد گروپ یارادیب.

بو باره‌ده عراق قیزیل آیپارا جمعیتی معلومات یاییب.

بیلدیریلیب کی، ۲۰ نفرلیک خلاص‌ائتمه گروپلاری تئزلیکله اراضییه گؤندریله‌جک.

***

ایران قیزیل آیپارا جمعیتینین اپراتیو قرارگاهی خلاص‌ائدیجیلرین رائیسینین هلیکوپترینی تاپماسی ایله باغلی معلوماتی تصدیقله‌مه‌ییب.

***

۲۲:۴۵

تورکییه ایران پرزیدنتی ابراهیم رئیسینین هلیکوپترینین آختاریشلارینا یاردیم مقصدیله اراضییه ۳۲ آلپینیست و ۶ خصوصی تکنیکادان عبارت گروپ گؤندریب.

بو باره‌ده تورکیه‌نین فوق‌العاده حاللارین اداره‌اولونماسی آگنت‌لیی معلومات یاییب.

***

ایران پرزیدنتی ابراهیم رئیسینین اولدوغو هلیکوپترین قضایا اوغرادیغی اراضی‌ده آختاریش آپاران خلاص‌ائدیجی گروپلارین سایی گئجه‌نین دوشمه‌سی ایله علاقه‌دار ۶۵-ا قالدیریلیب.

بو باره‌ده ایرانین قیزیل آیپارا جمعیتینین معلوماتیندا دئییلیر.

***

خبر وئردییمیز کیمی، بو گون ایران پرزیدنتی ابراهیم رئیسی و خارجی ایشلر ناظیرلیی باشچی‌سی حسین امیر عبداللهیانین اولدوغو هلیکوپتر شرقی آذربایجان ولایتینده قضایا اوغراییب.

تاس نماینده هیئتینین ۳ هلیکوپترله حرکت ائتدیینی بیلدیریب. رئیسینی داشییان هلیکوپتردن علاوه دیگر ایکی هلیکوپتر تهلوکه‌سیز شکلده منزل باشینا چاتیب.

بیلدیریلیر کی، دیگر هلیکوپتئرلرده ایرانین انرگتیکا ناظیری علی اکبر مهرابیان و یول و شهرسالما ناظیری مهرداد بزرپاش اوچوب.

قید ائدک کی، هلیکوپتر شرقی آذربایجانین اوزی و پیر کندلری آراسینداکی دیزمار مئشه‌سینده قضایا اوغراییب. خلاص‌ائدیجیلر هله ده قضا یئرینی تاپا بیلمه‌ییب.

***

تورکییه ملی مدافعه ناظیرلیی ایرانین ایستیی ایله آختاریش-خلاص‌ائتمه تدبیرلری اوچون بو اؤلکه‌یه «آکینجی» پوا و گئجه گؤرونوشلو «جوگار» تیپلی هلیکوپتر گؤندریب.

***

ایران پرزیدنتی ابراهیم رئیسینین اولدوغو هلیکوپترین قضایا اوغرادیغی اراضی دقیقلیی ایله معین ائدیلیب.

بو باره‌ده سپاه-این شرقی آذربایجان اوزره کماندانی دئییب.

او، اراضی‌دن سیگنال آلیندیغینی بیلدیریب.

***

سپاه-این عالی باش کماندیری حسین سلامی ابراهیم رئیسینین اولدوغو هلیکوپترین قضایا اوغرادیغی بؤلگه‌یه گلیب.

بو باره‌ده ایران مدیاسی معلومات یاییب.

اونو سپاه قورو قوشونلارینین کماندانی و سپاه-این بیر گروپ یوکسک رتبه‌لی کماندیرلری مشایعت ائدیر.

حاضردا ورزقانین سونگون میس معده‌نینین انضباطی بناسیندا سپاه کماندیرلری، پرزیدنتین معاونی و بیر نئچه ناظیرین اشتراکی ایله خصوصی اجلاس کئچیریلیر.

***

ایران پرزیدنتی ابراهیم رئیسی ایله قضایا اوغرایان هلیکوپترده اولان تبریزین جمعه امامی ایکی دفعه علاقه‌یه چیخیب و اؤزونو پیس حس ائتدیینی بیلدیریب.

بو باره‌ده ایران خارجی ایشلر ناظیرینین معاونی دئییب.

قید ائدک کی، پرزیدنت ابراهیم رئیسینین اولدوغو هلیکوپتر قضایا اوغراییب. اونونلا بیرگه خارجی ایشلر ناظیرلیی رهبری عبداللهیان و تبریزین جمعه امامی آل‌هاشم ده اولوب.
***

ایران پرزیدنتی ابراهیم رئیسینین اولدوغو هلیکوپترین آختاریشلارینین آپاریلدیغی اراضی‌ده غیری-ثابت هاوا شرایطی حکم سورمک‌ده‌دیر.

Axar.az خبر وئریر کی، حاضردا اراضییه قار یاغیر.

قید ائدک کی، پرزیدنت رئیسینین هلیکوپتئری بو گون قزایا اوغراییب. خیلاص ائدیجیلر هله ده قزا یئرینی تاپا بیلمه‌ییبلر. آختاریشلار داوام ائدیر.