آییق-ساییق اولاق! بوتون دنیا خاین‌لشیب. ایران، روسیه و ارمنستانین آگئنتلری آچیق-آشکار، اسرائیل جاسوسلاری ایسه گیزلی شکیلده سایین ایلهام علیئوه هجوم ائدیر. دئمک کی، تورکون بیرلیک و برابرلیک ایچنده اولماسیندان بوتون دنیا ناراحات‌دیر.

Axar.az خبر وئریر کی، بو سؤزلری ترکیه‌نین حاکم کوالیسییاسینین (آک‌پ-م‌ح‌پ) آدینی داشییان «جمهور اتفاقی» صحیفه‌سی فیسبوک حسابیندا پایلاشیب.

«وای، افندیم، «ت‌دت-نین (تورک دولتلری تشکیلاتی) آنکاراداکی زیروه‌سینه ندن قاتیلمامیش»، «یوخ گله بیلمزمیش» و س... افتیرانین مینی بیر قپیک! سایین علیئو حیاتیندا نه اسرائیله سفر ائدیب، نه ده آغلاما دیوارینی گؤروب. هامیسی عینی آغیزدان سالدیریر، آجیماسیزجا ایفتیرا آتیر. حالبوکی بیزیم دینیمیزه گؤره ایفتیرا ان بؤیوک حراملاردان بیریدیر!
سایین علیئو آنکارایا گلمک ایسته‌سه، سیزدن‌می سوروشاجاق؟ بورا اونون اؤز یوردو، اؤز وطنی‌دیر! ایچیمیزده‌کی «مسلمان» صفت‌لی ایران جاسوسلاری، «تورک» صفت‌لی ارمنی، روس و اسرائیل یانداشلاری، صلیب‌چی ذهنیتینین قالیقلاری – "آلتینجی کولون" کیمی فعالیت گؤستره‌رک آرایا نفاق سالماغا چالیشیرلار.

داها اؤنجه ده بیر یازیم‌دا قید ائتمیشدیم: اؤتن ایله شوشاداکی ت‌دت زیروه‌سینه سایین جمهورباشقانیمیز رجب طایییب اردوغان قاتیلا بیلمه‌دی، یئرینه ویتسه-پرزیدنت جودت ییلمازی گؤندردی. یاخین تاریخده باکی‌دا جیجا زیروه‌سینه ده خارجی ایشلر ناظریمیز حاکان فیدانی گؤندردی. دولت ایداره‌چیلیینده بو جور دیپلوماتیک گؤروله‌ندیرمه‌لر غایت نورمال‌دیر.

بوتون بونلاری نیه یازیریق؟ سیزی یوخودان بیر آز دا اولسا اویاتماق و اوینانیلان اویونلاری گؤرمه‌یینیز اوچون! ایندی هر زامانکیندان داها چوخ بیرلیک و همرایلییمیزی نماییش ائتدیرمه‌یین واختی‌دیر. فتنه‌یه یول وئرمیه‌ک؛ آییق-ساییق اولاق!

بیر ملت، ایکی دولت!»، - یازیدا قید اولونوب.