لندن‌ده آذربایجان رسپوبلیکاسینین بؤیوک بریتانییاداکی سفیرلییی قارشی‌سین‌دا تخریبات کاراکترلی آکسییا کئچیریلیب.

Axar.az خبر وئریر کی، بو باره‌ده آذربایجانین لندن‌ده‌کی سفیرلییی معلومات یاییب.

آکسییادا اشتراک ائد‌ن ۱۰-۱۵ نفرلیک گروپون الینده ایران بایراقلاری، ائلجه ده ایران اسلام رسپوبلیکاسینین ایلک لیدری روح‌الله خمینی‌نین پورترتلری اولوب.

اساساً قادینلاردان عبارت اولان آکسییا اشتراک‌چیلاری سس‌گوجلندیریجیلر واسطه‌سیله مختلف شعارلار سسلندیریب، آذربایجان‌دا گویا حجابا قارشی باسقیلارین اولدوغونو ادعا ائدیبلر.

آکسییا اشتراک‌چیلاری آذربایجانین داخلی سیاستی ایله باغلی مسئله‌لری دینی شعارلار و سیاسی سمبوللار واسطه‌سیله مانیپولیاسییا ائتمه‌یه چالیشیبلار.

بو آکسییا ایران خصوصی خدمت اورگانلارینین تأثیر آگئنتلرینین آذربایجانین مستقل سیاستینه و سووئرن قرارلارینا قارشی آپاردیغی نوبتی چیرکین تخریبات جهدی کیمی قیمتله‌ندیریله بیلر.

خصوصیله آذربایجان‌دا واحد مکتبلی فورماسینین تطبیقی ایله باغلی قرارین دینی آزادلیقلارا قارشی آددیم کیمی تقدیم اولونماسی جهدی دقت چکیر.

گؤرونن اودور کی، آذربایجانین مستقل قرارلار قبول ائتمه‌سی، ملی ماراقلارینا اویغون سیاست یوروتمه‌سی و داخلی مسئله‌لرینی اؤزو معین‌لشدیرمه‌سی بعضی دایره‌لری جدی شکیل‌ده ناراحات ائدیر. بو سبب‌دن ده اؤلکه‌میزه قارشی مختلف بهانه‌لرله بین‌الخالق مستوی‌ده سس-کوی یاراتماق، دینی موضوعلاردان سیاسی آلت کیمی استفاده ائتمه‌یه جهد گؤستریلیر. اما بو جیلیز آکسییالارین تشکیلات‌چیلاری و اجراچیلاری اونودورلار کی، آذربایجانین داخلی ایشلرینه مداخله و اؤلکه‌نین مستقل سیاستینی هدفه آلان بو جور تخریباتچی کامپانییالار هئچ بیر نتیجه وئرمه‌یه‌جک.