ارمنیستاندا روانشیست قوهلر یئنه باش قالدیرسا و فرانسانین بو اؤلکهیه وئردیی اؤلدوروجو سلاحلار کریتیک حده چاتسا، اوندا بیزدن هئچ کیم اینجیمهسین.
Axar.az خبر وئریر کی، بو فکرلری پرزیدنت ایلهام علیئو شوشایا کؤچموش ایلک ساکنلرله گؤروشده دئییب.
"بیز هئچ واخت محاربه ایستممیشیک، بو گون ده ایستهمیریک. بیزه محاربه لازم دئییل، بیزه تورپاقلاریمیز لازم ایدی. مینسک گروپونون ۲۸ ایلدکی فعالیتی آذربایجان خالقینا قارشی یؤنلدیلمیشدیر. اونلارین یالانچی وعدلری و فعالیتسیزلیی تصادفی دئییلدی. اونلار مسئلهنی حل ائتمک ایستهمیردیلر. اونلار بو تورپاقلاری ارمنیلره وعد وئرمیشدیلر. نئجه کی، سووئت دورونده ارمنیپرست گورباچوو و اوندان سونرا یلتسین بو تورپاقلاری ارمنیلره وعد وئرمیشدیلر و فرانسا دا، آمریکا دا، همچنین.
بو گون ده باخین بیزه قارشی، کیملر، نئجه دئیرلر اساس رول اویناییرلار - فرانسا و آمریکا. بونو آچیق دئمک لازیمدیر، داها چوخ فرانسا. اونلار دا بیلملیدیرلر کی، بیزیم ارادهمیزدن کنار بو بؤلگهده هئچ بیر مسئله حل اولوناسی دئییل. هانسیسا سفیرین شوشایا گلمهسی بیزه منت کیمی تقدیم ائدیلمهمهلیدیر. گلیر گلسین، گلمیر، هئچ لازم دا دئییل. گویا اونلارین گلیب-گلمهمهسی ایله نسه دییشیر، هئچ نه دییشمیر. بورادا، بو تورپاقدا سؤز صاحبی بیزیک"، - آذربایجان پرزیدنتی بیلدیریب.
پرزیدنت ایلهام علیئو وورغولاییب کی، آذربایجانین سیاستی بینالخالق حقوقا و عدالته اساسلانیر: "اگر بو گون یئنه ده گؤرسک کی، ارمنیستاندا روانشیستلر باش قالدیریر، فرانسا ارمنیستانا اؤلدوروجو سلاحلار وئریر، او سلاحلارین کریتیک حده چاتماسینی گؤرسک، اوندا بیزدن هئچ کیم اینجیمهسین. هر حالدا هر کس بیلیر کی، بیز نیه قادیریک، اردوموز نیه قادردیر و ارادهمیز نه قدر محکمدیر. هئچ کیم بیزیم قاباغیمیزدا دورا بیلمز. هئچ کیم بیزه هئچ نه دیکته ائده بیلمز و بیزیم داخلی ایشلریمیزه مداخله ائده بیلمز. نهیی لازیم بیلیریکسه، اونو دا ائدجییک".
"ایکینجی قاراباغ محاربهسیندن سونرا بیز ارمنیستانا دئمیشیک کی، گلین، سرحدی عدالتلی معین ائلیک. یوخ، ایستهمیرسینیزسه، اوندا بیز دئیجییک، هارادا ایستییریک اورادا دا سرحد اولاجاق. نئیلهیهجک، کیمه زنگ ائدجک، لاپ ۱۰۰ دفعه زنگ ائتسین، نتیجهسی نه اولاجاق؟ هم آذربایجان خالقینا، هم ده بو بؤلگهیه ماراق گؤسترنلره بیر داها دئمک ایستییرم کی، بیزیمله حسابلاشمادان بورادا بیر آددیم دا آتیلمامالیدیر بوندان سونرا. امینهم کی، منیم سؤزومو ائشیدیرلر، بیلیرلر من نهیی دئییرمسه، اونو دا ائدیرم"، - دولت باشچیسی علاوه ائدیب.