آنا صحیفه گوندم |
ایرانین ارشاد و مدنیت ناظیرلیی آذربایجان تورکجهسینده اولان "گروس آتا سؤزلری" کتابینین نشرینه اجازه وئرمهییب.
Kult.az خبر وئریر کی،بو بارهده کتابین ترتیباتچیسی خلیل مختاری معلومات یاییب.
اونون سؤزلرینه گؤره، ناظیرلیین یئرلی نمایندهلیی کتابین آدینین فارسجا اولماسینی، متنده تورک دیلی ایفادهسی یئرینه "آذری دیلی" سؤزونون یازیلماسینی توصیه ائدیب.
"بیجار گروس بؤلگهسینده یاشایان تورکلرین آراسیندا ایشلهدیلهن آتا سؤزلرینین توپلانماسینا ایکی ایل واخت قویدوم، ۲ مین آتا سؤزلرینی توپلاییب و کتاب حالینا گتیردیم. کتابی تانینمیش آذربایجانلی یازیچی و تدقیقاتچی علی محمد بیاتی رئداکته ائدیب و چاپا حاضرلانماسینا یاردیم ائدیب. آنجاق ارشاد و مدنیت ناظیرلیی کتابین آدینین تورکجه اولدوغونو و متنده تورک دیلی سؤزونونون ایشلدیلمهسینی ایراد توتوب. کتابا فارسجا آد سئچیلمهسی، "تورک دیلی" سؤزونون "آذری دیلی" سؤزو ایله عوضلنجیی تقدیرده چاپ اجازهسی وئریله بیلجیینی بیلدیردی"،- مختار خلیلی یازیب.
قید ائدک کی، گروس (بیجار گروس) کوردوستان ایالتینده تورکلرین کومپاکت یاشادیغی تاریخی بؤلگهدیر.
بؤلگهنین مرکزی بیجار شهرینین اهالیسی تخمیناً ۶۰ مین نفر جوارندادیر.
تاریخ
2024.06.16 / 12:05
|
مولف
جاویدان
|