۱۰ ایول‌دا ت.ر.ت-نین افیرینده اورمیانین گویا کوردلرین شهری اولماسی، بوراداکی کورد مدنیتی، عنعنه‌لری ایله باغلی وئریلیش یاییملانیب. وئریلیش آذربایجان‌لیلارین جدی اعتراضی ایله قارشیلانیب.

Axar.az خبر وئریر کی، اعتراضین کوتلویلشمه‌سی و بورادا سیاسی چالار آختاریلماسی تصادف دئییل. چونکی بیر مدتدیر کوردلرین اورمیادا یئرلشدیریلمه‌سی پروسسی گئنیشلندیریلیب و کوردلر بو شهره ادعالارینی اورتایا قویوبلار. آذربایجان‌لیلار ایسه بونا دفعه‌لرله اعتراض ائدیبلر و حتی کوردلرین بئله بیر تشببوسونون آرخاسیندا ایران حاکمیتینین دایاندیغینی بیلدیریبلر. گونئی‌لی فعاللارین سؤزلرینه گؤره، ایران رژیمی قصداً ایکی خالق آراسین‌دا کونفلیکت یاراتماق اوچون بو ایدئیانی اورتایا آتیب و کوردلردن بو مسئله‌ده سوءاستفاده ائدیر.

اورمیادا بونا قارشی آکسیالار دا کئچیریلیب و «کوردلر قوناغیمیزدیر» شعارلاری سسلندیریلیب، سئچکیلرده کوردلرین کوتلوی شکیلده اورمیایا گله‌رک، بورادا اؤز نامزدلرینی سئچمه‌سی پیسلنیلیب (ایران قانونلارینا گؤره، وطنداش ایران اراضی‌سین‌ده ایسته‌نیلن منطقه‌ده سس وئره و همین دایره‌دن ملت وکیللیلنه نامزدی دستکله‌یه بیلر – رئد.)

بو باخیم‌دا ت.ر.ت-ده یاییم‌لانان وئریلیشین تصادفی اولمادیغی حاقدا ادعالار سسلندیریلیر و ئنیا آذربایجانلیلاری کنگرسینین اداره هیئتی آرتیق بو مسئله‌یه مناسبت بیلدیره‌رک، اولایی پیسله‌ییب.

۱۳ ایول‌دا ایسه تورکیه پرزیدنتی رجب طیب اردوغانین تورکیه‌نین ت.ر.ت تله‌کانالینین رهبرینی دییشدیرمه‌سی حاق‌دا معلومات یاییلیب. بئله کی، قرارا اساساً، محمت زاهد سوباجی باش دیرکتور تعیین ائدیلیب، فریدوین ییلماز ایسه صدر وظیفه‌سینه گتیریلیب.

ت.ر.ت-نین ۱۰ ایول‌دا یایدیغی سؤزوگئ‌دن وئریلیشدن ۳ گون سونرا رهبرلیک‌ده دییشیکیک سوسیال شبکه‌لرده اردوغانین جدی یانلیشا یول وئرن کانال رهبرلیینی جزالاندیرماسی کیمی قبول اولونوب.

اما تأسف کی، حاضردا ت.ر.ت-نین سؤزوگئدن وئریلیشی رسمی یوتوب کانالین‌دا تیراژلانماق‌دا داوام ائدیر. بو ایسه او دمکدیر کی، اگر ت.ر.ت رهبرلییی ۱۰ ایول‌دا گئدن وئریلیشه گؤره جزالاندیریلسایدی، اوندا وئریلیش ده رسمی یاییم پلاتفورمالاریندان قالدیریلمالی ایدی.

هر بیر حال‌دا قرارین سببی و ت.ر.ت-نین یانلیشی ایله باغلی کانالا رئداکسیامیز طرفیندن سورغو وئریلیب.