اوکراینانین انرژی ناظری گرمان گالوشنکو آذربایجانلی همکاری پرویز شاهبازاولا طبیعی گاز تجهیزاتی امکانلارینی مذاکره ائتدیینی بیلدیریب.

Axar.az خبر وئریر کی، بو باره‌ده او، فیسبوک صحیفه‌سینده معلومات وئریب.

گالوشنکونون سؤزلرینه گؤره، آذربایجان آوروپانین اساس انرژی رئسورسو تداروکچولریندن بیری‌دیر و بو سببدن ده طرفلر انرژی ساحه‌سینده امکداش‌لیق مسئله‌لرینی گونده‌مه گتیریبلر.

«اوکراینا طبیعی گازین حاصیلاتی، ساخلانماسی و نقلی ساحه‌لرین‌ده امکداشلیغین گئنیشلندیریلمه‌سی اوچون بؤیوک پتنسیال گؤرور»، –اوکراینا انرژی ناظری وورغولاییب.

او قید ائدیب کی، آذربایجان گازینین اوکراینایا تداروکو مسئله‌سی آوروپانین انرژی تجهیزاتینین شاخه‌لندیریلمه‌سی استراتژیسی چرچیوه‌سینده نظردن کئچیریلیب.