ایران‌دا پرزیدنت‌لیه، یاخود ملت وکیللیینه نامزد اولان شخص اؤنجه کونستیتوسییا کشیک‌چیلری شوراسینین سوزگجیندن کئچمه‌لیدیر. ماراقلی‌دیر کی، تخمیناً ۵-۶ آی اول ایران‌دا پارلامنت سئچکیلرینه حاضرلیقلار باشلایاندا همین قوروم پزشکیانین نامزدلیینی رد ائتمیش‌دی. چوخ غریبه بیر شکیل‌ده خامنه‌ای شخصاً دیله گتیره‌رک دئدی کی، پزشکیانین هانسی عیبینه گؤره نامزدلییی رد اولونوب؟ خامنه‌ای بیر شخصین آدینی بو قدر آچیق شکیلده هله‌م-هله‌م دیلینه آلان دئییل، او، عادته‌ن عمومی دانیشار. بیر مدت سونرا ایسه پزشکیانین پرزیدنت‌لییه نامیزدلییی تصدیقلندی.

بو سؤزلری Axar.az-آ گونئی‌لی آراشدیرماچی-یازار محمد رحمانیفر مسعود پزشکیانین ایران پرزیدنتی سئچیلمه‌سی حاقدا دانیشارکن دئییب.

پرزیدنت‌لییه نامزدلرین تصدیق پروژه‌سینین اولدوقجا چتین پروسدور اولدوغونو دئیه‌ن رحمانیفر اؤنجکی دؤورده پزشکیانین نامزدلیینین رد ائدیلدیینی خاطیرلادیب:

«بونلاری مقایسه ائد‌نده، دوشونوروک کی، نه اولدو، رژیم آنیدن پزشکیانین یولونو بو قدر آچدی، اونون سئچیلمه‌سینه امکان وئردی؟ اولا بیلسین کی، پزشکیان اصلاحاتچی اولدوغو اوچون خاریجی سیاستده وضعیتی دییشمک اوچون بو آددیم آتیلیب. پزشکیان خاریجی اؤلکه‌لرله داها یاخشی مناسیبت قورا بیلر. آنجاق دوشونوره‌م کی، مسئله بو اولسایدی، رژیم داها فرقلی نامزدین ده اوستونده قالا بیلردی – مثلاً، علی لاریجانی و یاخود قالیباف. فیکریمجه، پزشکیانین پرزیدنت سئچیلمه‌سی داها چوخ داخلی آودیتورییانی ساکیتلشدیرمه‌یه استقامتلنیب. بو گون گونئی آذربایجان مسئله‌سی ایرانین ان بؤیوک قورخوسودور. پزشکیان گونئی آذربایجان ملی حرکاتینا بیر آلترناتیو کیمی گونئی‌لیلری بو آماجیندان اوزاقلاشدیرماق مقصدی ایله میدانا گتیریلیب. البته کی، بو، رژیمین قوردوغو اویون‌دور. عینه‌ن «تراکتور»اون پرمیر لیگایا یوکسلدیلمه‌سینده رژیمین بیرباشا الی اولدوغو کیمی... اینسانلارین سسلرینی کوچه‌لرده دئییل، ایستادیون چرچیوه‌سینده محدودلاشدیرماق اوچون «تراکتور»او پرمیر لیگایا یوکسلدن رژیم تمامیله عکس نتیجه ایله قارشیلاشدی. گونئی‌لیلر ائله ایستادیوندان دونیایا سس سالا بیلدیلر. بو دا ائله. آرتیق مسئله تورک و فارس مسئله‌سینه چئوریلیب».

او، پزشکیانین آذربایجان ایالتلرینده‌کی سئچکی کامپانییالارین‌دا دقت چکن مقاملارا دا توخونوب:

«اورادا ایراندان هئچ بیر ایز گؤرموردوک - آذربایجان ماهنیلاری، بوزقورد سیموولو، اشتراکچیلارین قورد کیمی اولاماسی و سایر.

اما اونوتماق اولماز کی، ایرانین خامنه‌ای‌سی ده وار. خصوصیله خاریجی سیاستی معینلشدیرمک، هم ده اجرا ائتمک خامنه‌اینین صلاحیتینده‌دیر. داخیلده ایسه بیر طرفده سپاه، دیگر طرفده یئنه خامنه‌ای و اونون اطرافی وار. بو باخیمدان هم داخلی، هم ده خاریجی سیاست‌ده ال-قولو باغلی اولان پزشکیان رژیمین محض بو آن اوچون ایللردیر یئتیشدیردیی، کئچمیشینی بئله تمیز ساخلادیغی فیقوردور. گونئی‌لیلره «پرزیدنتینیز ده اؤزونوزدندیر» دئیه‌رک، ایللرله آسیمیلیاسییا سیاستی ایله فارسلاشدیریلماسینا نایل اولونمایان آذربایجانلیلاری ایرانلیلاشدیرماق اوچون یارادیلان کؤرپو، جیزیلان سناری‌دیر بو. آنجاق شبهه‌سیز کی، آذربایجان‌لیلار «تراکتور» مسئله‌سینده اولدوغو کیمی پزشکیان سناری‌سینی ده اؤز منافعلرینه چئویره بیله‌جکلر».