ارمنستانین غربله، علی‌الخصوص آمریکا ایله امکداشلیغی او قدر سرعتله انکشاف ائدیر کی، بو، آرتیق ایرانی جدی ناراحات ائدیر. چونکی غربله ایرانی بیرلشدیره‌ن مقصد ارمنستانین آذربایجان قارشی مقاومت قابیلیتلرینی آرتیرماسی ایدی. عینی زمان‌دا ایران غربین ارمنستانا دستییندن معین معنادا استفاده ائدیردی.

بو سؤزلری Axar.az-آ جنوبی قفقاز تدقیقاتلار مرکزینین دیرکتورو فرهاد مممدوو دئییب.

او بیلدیریب کی، ارمنستانین ایرانلا حربی امکداشلیقدان امتنا ائدیب، آمریکا ایله یاخینلاشماسی تهران اوچون «قیرمیزی خط»این کئچیلمه‌سی اولوب:

«ائله بیر دور گلدی کی، ایران ارمنستانا تهران و ایروان آراسیندا حربی اتفاق باغلانیلماسی ایله باغلی آچیق مئساژ یوللادی. ارمنیستان ایسه بو تکلیفه رد جوابی وئره‌رک، غربله، علی‌الخصوص آمریکا ایله حربی ساحه‌ده امکداش‌لیق پروسئ‌سینی سرعتلندیردی. غربدن سلاح آلینماسی ایران طرفیندن نیسبتا قبول ائدیله‌ن مسئله ایدی. لاکین بیرباشا آمریکا-ارمنیستان حربی تعلیملرینین کئچیریلمه‌سی، آمریکالی حربچیلرین ارمنیستانا گلمه‌سی ایرانی جدی معنادا ناراحات ائتمه‌یه باشلادی. تصادفی دئییل کی، آمریکا-ارمنیستان حربی تعلیملرینین اعلان ائدیلدیی گونون ائرته‌سی ایرانین ایروانداکی سفیری مهدی صبحانی ارمنستانین مدافعه ناظری سورن پاپیکیانلا گؤروشه گئتدی. بئله گؤروشلرده ایران طرفی هر زامان ایضاحات ایستییر. او ایضاهاتین نه درجه‌ده قانع‌ائدیجی اولوب-اولمادیغینی دا آرتیق طرفلرین گله‌جک فعالیتلرینده گؤرجییک. اما ایران عنعنوی اولاراق جنوبی قفقازدا خاریجی قوه‌لرین فعاللیغیندان ناراحات اولدوغونو بیلدیریر، ترکییه-آذربایجان حربی تعلیملرینی بئله دقتله ایزلییر. ترکییه ناتو عضوو اولسا دا، رگیون اؤلکه‌سی اولدوغو اوچون آذربایجانلا حربی تعلیملرینی نرمال قارشیلاییر. اما بیرباشا آمریکانین ایرانین شمالین‌دا یئرلشن اؤلکه‌ده ایکیطرف‌لی تعلیم کئچیرمه‌سی البته کی، ایران اوچون ده بیر سیگنالدیر».