ایران و ارمنیستان ۵۰۰ میلیون دلار دیرینده بؤیوک سلاح مقاوله‌سی امضالاییبلار.

Axar.az خبر وئریر کی، بو باره‌ده «ایران اینترنشنال»آ منبع معلومات وئریب.

ادعا ائدیلیب کی، تهران ایروانی اؤزونون کامیکادز پوا-لاری ایله تجهیز ائدیر.

«یاخین شرقده یوکسک رتبه‌لی حربی مأمور اولان منبع‌نین سؤزلرینه گؤره، راضیلاشما بیر نئچه مقاوله‌یه بؤلونوب و سون بیر نئچه آیدا امضالانیب»، - مقاله‌ده بیلدیریلیب.

نشر ایرانین ارمنیستانا تداروک ائدجیی حربی محصوللارین اکسکلوزیو سیاهی‌سینی الده ائدیب. بورایا "شاهد-۱۳۶"، "شاهد-۱۲۹"، "شاهد-۱۹۷"، «مهاجر» کیمی پیلوت‌سوز طیاره‌لر و «خرداد ۳»، «مجید»، «خرداد ۱۵» و «آرمان» کیمی هوا هجوموندان مدافعه راکت سیستملری داخلدیر.

ایران و ارمنیستانین خارجی ایشلر و مدافعه ناظیرلیکلری «ایران اینترنشنال»این شرح اوچون سورغوسونا جواب وئرمه‌ییب.

واشینگتون اینستیتوتوندان حربی اکسپرت فرزین ندیمی دئییب کی، بو مقیاسدا راضیلاشما ارمنیستان اوچون اهمیتلی‌دیر:

«ایران اوللر ده ارمنیستانا پیلوت‌سوز طیاره‌لر و بعضی باشقا سلاحلار ساتیب، لاکن بو مقیاسدا اولماییب».

مقاله‌ده خاطیرلادیلیب کی، ارمنیستان مالیه ناظیرلیی ۲۰۲۴-جو ایلده مدافعه خرجلرینین ۲۰۲۰-جی ایلله مقایسه‌ده ۸۱% آرتدیغینی بیلدیریب. ارمنیستانین ۲۰۲۴-جو ایلده مدافعه بودجه‌سی تقریباً ۱،۴ میلیارد دلار اولوب، اونا گؤره ده بو سازشله ایرانا آیریلان وسایت بو بودجه‌نین تخمیناً اوچده بیرینی تشکیل ائدیر. ارمنیستانین بونو نئجه اؤد‌یه بیلجیی معلوم دئییل، لاکن بعضی آنالیتیکلر حساب ائدیرلر کی، کردیت اؤدنیشلری بیر سئچیم اولا بیلر.

نشر ایران-ارمنیستان سلاح مقاوله‌سینین کامیکادز درونلار و هوا هجوموندان مدافعه راکتلرینین تداروکوندن کنارا چیخدیغینی یازیب. منبع‌نین نشره وئردیی معلوماتا گؤره، بو، هم ده کشفیات امکداشلیغی، سیخ حربی علاقه‌لر، تعلیم و ارمنی تورپاقلاریندا بازالارین یارادیلماسینی احاطه ائدیر.

منبع بیلدیریب کی، سون آیلاردا ایران‌دان یوکسک سویه‌لی نماینده هیئتلری و تکنیکی گروپلارین سفرلری زمانی ایکی اؤلکه آراسیندا تهلوکه‌سیزلیک ساحه‌سینده امکداشلیق، او جمله‌دن سلاح مقاوله‌لرینین ایرلیلدیلمه‌سی مذاکره اولونوب.

یاخین شرق اینستیتوتونون ایران پروگرامی اوزره دیرکتورو آلکس واتانکا دئییب کی، ارمنیلر تهلوکه‌سیزلیک احتیاجلاری اوچون باشقا یئرلره، فرانسا، هیندیستان، آمریکا و ایرانا باخیرلار. واتانکانین فکرینجه، ایران و ارمنیستان آراسین‌دا سلاح مقاوله‌سی تهرانا قافقازدا آکتواللیغینی قورویوب ساخلاماغا کمک ائد‌جک.

حربی آنالیتیکلر آذربایجانین ارمنیستان مدافعه‌سینی آشاراق ۴۴ گونلوک محاربه‌ده غلبه‌سینی تورکیه و اسرائیلدن آلدیغی پیلوتسوز طیاره‌لرله علاقه‌له‌ندیریرلر.

«ارمنیستان بو جبهه‌ده سلاحلانماق ایستییر. اگر ایران پیلوتسوز اوچان آپاراتلارلا تامین ائده بیلیرسه، نیه ده اولماسین؟» - دئیه واتانکا بیلدیریب.

مقاله‌ده ایران و ارمنیستان آراسین‌دا سلاح مقاوله‌سینین ایکی دولتین حدودلاریندان کنارا چیخاجاغی و ایران-آذربایجان مناسبتلرینه، خصوصیله ده ایران‌دا اتنیک تورک اولان بیرینین پرزیدنت سئچیلمه‌سیندن سونرا تأثیر ائدجیی وورغولانیب.

کانادا کرال حربی کولجینین حربی اکسپرتی فردریک لاباری بیلدیریب کی، بؤیوک سؤودلشمه بیر نئچه سببدن باش وئره بیلر. اونون سؤزلرینه گؤره، بو، ارمنیستانین آذربایجاندان مدافعه‌سی اوچون «ضرورت» دئمکدیر، لاکن بو، هم ده روسیانین ارمنیستان واسطه‌سیله سلاح الده ائتمه‌سی اوچون بیر یول اولا بیلر.

روسیا و اوکراینانین مدافعه و حربی ساحه‌لرینده اختصاصلاشان لاباری ارمنیستانین ایران سلاحلارینی روسیا اوچون آلدیغینی احتمال ائدیر.