آذربایجان مدافعه ناظیرلیی ارمنیستانین نوبتی تخریباتی بارهده بیانات یاییب.
Axar.az بیاناتین متنینی تقدیم ائدیر:
"آذربایجان رسپوبلیکاسینین مدافعه ناظیرلیی سون گونلرده ارمنیستانین کلبجر استقامتینده آغیر سلاحلار و تووز استقامتینده کوادروکوپتر تطبیق ائتمکله تخریباتلار تؤرتمهسی بارهده معلوماتلار وئرمیشدیر. قید ائدک کی، ارمنیستان طرفیندن بو کیمی تخریباتلارین تؤردیلمهسی بیرینجی حال دئییلدیر و داواملی کاراکتر داشییر.
آمریکا بیرلشمیش اشتاتلارینین ارمنیستاندا کئچیردیی حربی تعلیملر، فرانسانین ارمنیستانی اؤلدوروجو سلاحلارلا تجهیز ائتمهسی و آوروپا اتفاقی طرفیندن "آوروپا صلح فوندو" آدی آلتیندا ارمنیستانا ایلکین مرحلهده اون میلیون آورو دیرینده حربی یاردیمین گؤستریلمهسی اشغالچی ارمنیستانی بو کیمی تخریباتلار تؤرتمهیه هوسلندیریر و آذربایجانا قارشی نوبتی محاربهیه حاضیرلاشدیریلماسینا دلالت ائدیر.
مدافعه ناظیرلیی بیر داها خبردارلیق ائدیر کی، ارمنیستان و اونون هوادارلاری جنوبی قافقاز رگیونوندا یئنی محاربه اوجاغی یاراتماق کیمی نیتلریندن چکینملیدیرلر. اؤلکهمیزه قارشی بو کیمی تخریبات عمللری دایاندیریلمادیغی تقدیرده، آذربایجان رسپوبلیکاسی سلاحلی قوهلرینین آرسنالیندا اولان بوتون واسطهلردن استفاده ائتمکله اؤزونومدافعه مقصدیله لازمی جواب تدبیرلری گؤرولهجکدیر.
بیلدیریریک کی، رگیوندا وضعیتین گرگینلشمهسینه گؤره بوتون مسئولیت ارمنیستانین حربی-سیاسی رهبرلیینین و اونون هوادارلارینین اوزرینه دوشهجکدیر".