آذربایجانین مدافعه ناظیرینین معاونی - باش دیرکتور عاقیل قربانوو اؤلکه‌میزده سفرده اولان تورکیه پرزیدنت آدمینیستراسییاسینین مدافعه صنایع‌سی کمیته‌سینین صدری هالوک گؤرگونون رهبرلیک ائتدیی نماینده هیئتی ایله گؤروشوب.

بو باره‌ده Axar.az-آ آذربایجان مدافعه ناظیرلییندن بیلدیریلیب.

تورکیه‌لی قوناقلاری سلاملایان باش دیرکتور اونلاری اؤلکه‌میزده گؤرمکدن ممنون اولدوغونو قید ائدیب، بو جور گؤروشلرین قارداش اؤلکه ایله بیرگه امکداشلیغین انکشاف ائتدیریلمه‌سی باخیمیندان اهمیتینی خصوصی وورغولاییب.

هالوک گؤرگون ایسه اؤز نوبه‌سینده گؤستریله‌ن قوناقپرورلییه گؤره منتدارلیغینی بیلدیریب، آذربایجان ایله تورکیه آراسیندا حیاتا کئچیریله‌ن بیرگه استحصالات لایحه‌لرینین اردولاریمیزین مدافعه قدرتینین آرتیریلماسی باخیمیندان فایدالی اولاجاغینی امینلیکله قید ائدیب.

تورکیه‌نین آذربایجان‌داکی سفیری جاهیت باغجی و بو اؤلکه‌نین آپاریجی حربی صنایع شرکتلرینین رهبر هیئتینین ده اشتارک ائتدیی گؤروشده، همچنین اؤلکه‌لر آراسیندا حربی، حربی-تکنیکی امکداشلیغین جاری وضعیتی و انکشاف پرپکتیولری مذاکره ائدیلیب، قارشی‌لیقلی ماراق دوغوران دیگر مسئله‌لر اطرافیندا گئنیش فکر مبادله‌سی آپاریلیب.

تورکیه نماینده هیئتی اؤلکه‌میزه سفر چرچیوه‌سینده مدافعه ناظیرینین معاونی - حربی هوا قوه‌لرینین کماندانی وظیفه‌سینی اجرا ائد‌ن گنرال-لیتنانت نامیق اسلام‌زاده ایله گؤروشوب. قوناقلارا حربی هوا قوه‌لرینین مرکزی کماندا منطقه‌سینین یارانما تاریخی، اجرا اولونان فعالیتلرله باغلی بریفینگ تقدیم ائدیلیب، اونلاری ماراقلاندیران سواللار جوابلاندیریلیب.