زنگزور دهلیزی اوزرین‌دن تهران-مسکوا قارشی‌دورماسی ایران تهلوکه‌سیزلیک شوراسینین کاتیبی علی اکبر احمدیانین روسیایا سفری ایله ده حل ائدیلمه‌دی. بو کونتکست‌ده اساس دقت چکن مقام شویگونون «روسییا زنگزور دهلیزی ایله باغلی ایرانلا اوولکی راضیلاشمالارا صادق‌دیر» آچیقلاماسی ایدی. بو، ایرانین ایستدیی «دهلیز لاییحه‌سینین گونده‌مدن چیخاریلماسی» یوخ، روسییانین «دهلیز ایرانین رگیون‌داکی ماراقلارینا تهلوکه یاراتمیر» موقعینین داوام ائتدیریلمه‌سی‌دیر.

و احمدیانین مسکوا سفریندن سونرا باش وئره‌نلر ده ایران رسمی‌سینین «الی‌بوش» قاییتدیغینی دئمه‌یه اساس وئریر. روسییا خاریجی ایشلر ناظیرلیینین سؤزچوسو مارییا زاخارووانین «مسکوا زنگزور دهلیزی ایله باغلی اؤز آرگومنتلرینی تقدیم ائدیب و ایرانین بونو باشا دوشجیینه اومید ائدیر» آچیقلاماسی، کوممونیکاسییانین آچیلماسی اوزره اوچطرفلی ایشچی گروپونون روسییادان اولان همصدری آلکسی اوورچوکون ایروانا سفری و وئردیی بیاناتلار دا بو احتمالی گوجلندیریر. ایران ایسه «محاربه ائد‌جه‌م» تهدیدینی داوام ائتدیرمکده‌دیر، سپاه-آ باغلی اینفورماسییا رسورسلاری تبلیغاتی بو یؤنده آپاریر. سون اولاراق، ایران علمی حوضه‌لرین رهبری، ایران کونستیتوسییاسینین کشیک‌چیلر شوراسینین عضوو آیت الله علیرضا اعرافی «روسییایا خبردارلیق ائدیریک: زنگزور دهلیزینین ملکیت مسئله‌سی بیزیم قرمیزی خطیمیزدیر» آچیقلاماسینی وئردی.

باش وئره‌نلر اوچ آنا سوالی اؤن پلانا چیخاریر:

- ایران نیه زنگزور دهلیزینه قارشی‌دیر؟

- ایرانین دهلیزه قارشی تبلیغاتی ندن عبارتدیر و رئال‌لیقلا نه قدر اوزلاشیر؟

- نیه ایندی محض روسییانین اوزرینده فوکوسلانیرلار؟

ایران زنگزور دهلیزی ایله باغلی ناراحاتلیغینین تمل سببلرینی رسمی شکیل‌ده اعلان ائتمیر. ایرانین اؤزو اوچون «تهلوکه» کیمی قبول ائتدیی بیر نئچه مقاما توخونماق اولار:

- قاراباغین آزاد ائدیلمه‌سیندن سونرا ایرانین جنوبی قفقازا گیریش امکانلاری بؤیوک اؤلچوده محدودلاشدی: تهران‌دا دوشونورلر کی، زنگزور دهلیزی ۱۰ نیابر بیاناتینا اویغون آچیلارسا، ارمنستانا، بوتولوکده بؤلگه‌یه گیریشی بلوک‌لاناجاق؛

- زنگزور دهلیزی رئاللاشماسی بو لاییحه‌نین ده بیر حیصه‌سی اولدوغو اورتا دهلیزین پرسپکتیوینی گوجلندیره‌جک و بو، ایرانین آوراسییانین نقلیات شبکه‌سینده‌کی رولونو معین قدر آزالدا، یاخود اونا قارشی آلترناتیولری اؤنه چیخارا بیلر؛

- ایرانین اساس هدفی پراکتیکی اجراسی نه قدر غیری-ممکن گؤرونسه ده، فارس کؤرفزی-قارا دنیز مارشروتونو رئاللاشدیرماقدیر. کی، مهری‌دن کئچه‌جک دهلیز بو لاییحه‌نی تمامیله رفه قالدیرا بیلر؛

- و ان مهم مقاملاردان بیری زنگزور دهلیزی ایله بؤلگه‌ده ترکییه‌نین رولونون آرتماسی، آذربایجانین گوجله‌نمه‌سی تهران‌دا ناراحاتلیق یارادیر؛

هرچند، رسمی باکی دفعه‌لرله تهرانا «بؤلگه‌ده‌کی ماراقلارینا تهلوکه اولمادیغینی» ایضاح ائدیب، رگیونال امکداشلیق پلاتفورماسینی (۳+۳) ایر‌لی سوروب، حتی دهلیزین ایران مارشروتونون دا آچیلماسینا راضیلاشاراق، نیتینی پراکتیکی موستویده نماییش ائتدیریب. عینی ایضاحی مسکوا و آنکارا دا پایلاشیر. تهران ایسه امکداشلیق امکانلارینی دیرلندیرمیر، عکسینه، پوزوجو موقعین‌دن ال چکمیر، حالبوکی، ایران بو پروسس‌ده «اوفسایت‌دا» قالان طرفدیر و مداخیله امکانلاری محدوددور.

ایرانین زنگزور دهلیزینه قارشی کامپانییاسینین ایکی خط اوزره آپاریلدیغی مشاهده ائدیلیر.

۱. زنگزور دهلیزی «ناتو-توران» دهلیزیدیر؛

۲. ایران بو لایحه‌یه قارشی «لازیم اولارسا، حربی مداخیله‌یه» ال آتاجاق، «ایکینجی جبهه‌ده دؤیوشمک گوجونده‌دیر»، «ایرانین حربی رهبرلییی حربی سناری اوزریندن دوشونور» و س.

«ناتو-توران دهلیزی» ایران‌دا آذربایجانا قارشی چیخیشلاری ایله تانینان اکسپرت آکف کاظمی طرفیندن اورتایا آتیلیب، لاکین بو ادعانین مؤلف‌لیک حقوقلاری داها اوزاغا گئدیر. هله ۸۰-جی ایللرده نخجیوانی آذربایجانا بیرلشدیره‌جک مهری یولو لاییحه‌سی گونده‌مه گلنده ارمنی ترورچو زوری بالایان بونو «ناتو-توران دهلیزی» آدلاندیریب (بو فاکت جمال الدین قولیئوه مخصوص‌دور). کاظمی بالایانین ادعاسینی یئنی‌دن گونده‌مه گتیردی و ایرانین زنگزور دهلیزینی «ناتو و توران»ا باغلاماسی هم روسییایا، هم ده دهلیزی «بیر کمر بیر یول» لاییحه‌سینین اورتا دهلیزینده بیرلشدیریجی کئچید اولاراق گؤره‌ن چینه عنوان‌لانان تبلیغاتدیر. تورکییه‌نین ناتو عضوو اولماسینا و تورانین قورولماسی پلانینا دقت چکمه‌یه چالیشیر، «تهلوکه‌نی» پکین و مسکوایا گؤستریرلر. حالبوکی، دهلیز ۱۰ نیابر راضیلاشماسینا اویغون آچیلارسا، اورادا تهلوکه‌سیزلییی ناتو ایله گلوبال قارشی‌دورما یاشایان روسیا قورویاجاق. روسییا «ناتو-توران دهلیزی»نده دایاناجاق؟! یعنی ایرانین تبلیغاتی گولونجدور. «حربی مداخیله‌یه» ال آتاجاقلاری حاق‌دا دئدیکلری ایسه بلف‌دیر. ایران دا بونو آنلاییر، لاکین بلکه آلینار دوشونجه‌سی ایله «ایستراتژی چکیندیرمه» تاکتیکاسینی تطبیق ائدیر.

زگزور دهلیزینه گؤره عادتاً آذربایجانی تهدید ائد‌ن ایرانین ایندی باکی‌یا یوخ، مسکوایا خطاب ائتمه‌سینین ایکی سببی وار.

بیرینجی‌سی، روسییا دهلیز لاییحه‌سینین رئاللاشماسی استقامتین‌ده آکتیولشیب و پروسس مسکوانین پلانینا اویغون داوام ائدرسه، باکی و آنکارانین مؤقعلری گوجلنه‌جک، تهرانین بؤلگه‌ده «ایکینجی درجه‌لی» اویونچو موقعی ثابتلنه‌جک؛ایکیجی‌سی و ان اساس مقام زنگزور دهلیزینده روسییانین اشتراکینا قارشی اولان غربه «رگیوندا سیزین ماراقلاری ایران قورویور» مساژینی وئرمکدیر: ارمنستانین سرحدلرینی «قرمزی خطی» اعلان ائد‌نده ایرانین هدفلریندن بیری غربدن دستک الده ائتمک، یاخود ان آزی سانکسییالار مسئله‌سینده قازانجلی چیخماق ایدی، بونا گؤره آذربایجانی هدف اولاراق سئچمیشدی؛ ایندی هدفی داها بؤیوکدور – روسیا؛

قاراباغدان چیخدیقدان سونرا زنگزور دهلیزینی اساس دایاق نقطه‌سی اولاراق گؤره‌ن روسیانین گئری چکیلمیجیی بللی‌دیر. ایرانین نه ائدجیی، دهلیز لاییحه‌سینه هانسی فورمادا قارشی چیخاجاغی ماراقلی‌دیر: «ناتو-توران دهلیزی» تبلیغاتی و «حربی مداخله» بلفینین ایشه یارایاجاغی احتمالی ضعیف‌دیر، بو باخیم‌دان، ایران نتیجه الده ائده بیلمه‌سه ده، یئنی‌دن آذربایجانین اوزرینه فوکوس‌لانا بیلر.