ایرانین آذربایجان‌داکی سفیری مجتبی دمیرچیلو اردبیل ایالتینین آذربایجان رسپوبلیکاسی ایله اقتصادی و تجارت علاقه‌لرینین گئنیشلندیریلمه‌سینده مهم رول اوینایا بیلجیینی بیلدیریب.

Axar.az خبر وئریر کی، او، بو فکرلری ایرنا آگنتلیینه وئردیی مصاحبه‌ده سسلندیریب.

«اردبیل ایالتی کند تصرفاتی، نقلیات و توریزم ساحه‌لرینده بؤیوک پتنسیالا مالکدیر و بو امکانلاردان آذربایجانلا امکداشلیغین گئنیشلندیریلمه‌سی اوچون استفاده اولونمالی‌دیر»،-سفیر قید ائدیب.

دمیرچیلو پزشکیانین اردبیله سفری زمانی بو بؤلگه‌نین آذربایجانلا اقتصادی، مدنی و علمی علاقه‌لرده آکتیو رولا جلب اولونماسی باره‌ده گؤستریش وئریلدیینی دئییب.

«امید ائدیریک کی، بو لاییحه‌لر ایکی قونشو و دوست اؤلکه آراسین‌دا امکداشلیغی داها دا محکمله‌ندیرجک»، – سفیر بیلدیریب.