آوروپا آمریکا پرزیدنتی دونالد ترامپین روسییایا سانکسییا تطبیقی ایله باغلی طلب و شرطلرینی یئرینه یئتیرمه‌یه حاضر دئییل.

Axar.az خبر وئریر کی، بونو روسییانین عالی اقتصادیات مکتبینین هرطرفلی آوروپا و بین‌الخالق آراشدیرمالار مرکزینین دیرئکتور معاوینی دمیتری سوسلوو بیلدیریب.]

«آوروپابیرلییی روسییایا قارشی ۱۹-جو سانکسییالار پاکئتینین قبولونو تاخیره سالیب، چونکی او، آمریکا پرزیدنتی دونالد ترامپ آدمینیستراسییاسینین دسته‌یینی آلا بیلمه‌ییب، بیرطرفلی قبول ایسه اتفاقین سیاسی ایفلاسینی آچیق شکیل‌ده گؤستره‌جک.

دوشونوره‌م کی، غیری-معین تاخیره سالینمانین اساس سببی ترامپ آدمینیستراسییاسینین آمریکا سانکسییالاری و هم روسییا، هم ده روسییانین اساس طرفداشلارینا قارشی تضییق تدبیرلری ایله باغلی توتدوغو مؤقع ایدی، یعنی ترامپ آدمینیستراسییاسی واشینگتونون همچینین چین و هندستانا قارشی بعضی یئنی آنتی‌روسییا سانکسییالاری و یئنی تضییق تدبیرلری تطبیق ائتمه‌سی اوچون آوروپا بیرلیینه آچیق-آشکار غیری-ممکن شرطلر قویوب.

آورپابیرلیینین آمریکایلا هانسیسا شکیل‌ده بیرگه حرکت ائتمک ایسته‌یی، نهایت، اونو روسییایا قارشی، طرفداشلارینا قارشی نسه ائتمه‌یه ایناندیرماق ایسته‌یی بو گئجیکمه‌نین اساس سببی‌دیر. اوسته‌لیک، بیز بیلیریک کی، حتی ۱۹-جو پاکئتله باغلؤ غیری-اقتصادی مسئله‌لرده ده چتین‌لیکلر یارانیب. داها دوغروسو، روسییایا قارشی ویزا رژیمینین داها دا سرتلشدیریلمه‌سی ایله آوروپا کومیس‌سییاسینین نماینده‌لری کیفایت قدر اوبیئکتیو آددیملار آتیبلار. روسلار اوچون توریست ویزالارینین وئریلمه‌سینه داها بؤیوک محدودیتلر قویولور»، - سوسلوو قید ائدیب.