اردبیل ایالتینین سرئیین رایونو بؤلگه‌نی زیارت ائد‌ن توریستلرین ایللیک سایینا گؤره آذربایجان شهرلری آراسین‌دا بیرینجی یئری توتوب.

Axar.az خبر وئریر کی، بو حاق‌دا رایونون فرمانداری باقر باقرزاده معلومات وئریب.

اونون سؤزلرینه گؤره، سون ۱ ایل عرضینده سرئیین و اطراف بؤلگه‌لری عمومی‌لیکده ۸ میلیون توریست زیارت ائدیب.

او، توریستلر آراسین‌دا بیر چوخ خارجی قوناقلارین دا اولدوغونو بیلدیریب.

باقرزاده سرئیین شهری ایله یاناشی، رایونون آلوارس و ویلادره کندلرینین ده چوخ سایدا قوناقلارا ائو صاحبلیی ائتدیینی سؤیله‌ییب.

فرماندار، رایونون توریست آخینینا گؤره ایلک رکورد وورماسینا باخمایاراق، خصوصاً کند یوللارینین یاخشی وضعیتده اولمادیغینا دقت چکیب.

قید ائدک کی، ساوالان داغی اتیینده یئرلشه‌ن سرئیین بؤلگه‌سی بیر چوخ طبیعی-تاریخی عابده‌لرینه، او جمله‌دن چوخ سایدا یئرآلتی ایستی سو مرکزلرینه گؤره ایران‌دا ان مشهور توریزم زونالاریندان بیری ساییلیر.