ایران پرزیدنتی مسعود پزشکیان آذربایجانین باش ناظیرینین معاونی شاهین مصطفی‌یئوله تهران‌داکی گؤروشونده ماراقلی فکرلر سسلندیریب. بیرینجی‌سی، پزشکیان دئییب کی، آذربایجان قدر ایرانا یاخین اولان ایکینجی اؤلکه یوخ‌دور. «آذربایجانلا بیزی اورتاق تاریخ، مدنیت بیرلشدیریر و بیز آذربایجانلا داها یاخین اولمالییق» دئیه‌ن ایران پرزیدنتی آذربایجانلا داها بؤیوک ایشلر گؤرمیین واجبلیینی وورغولاییب.

Axar.az خبر وئریر کی، بو سؤزلری پولیتولوق ائلخان شاهین‌اوغلو قید ائدیب.

او بیلدیریب کی، بونا باخمایاراق، مسعود پزشکیان ایران رسمیلرینین «عنعنه‌سینی» پوزمایاراق «دشمنلرین بیزیم مناسبتلره مانع اولماسینا اصلا امکان وئرمملییک» فکرینی سسلندیرمیی ده اونوتماییب:

«ایکی اؤلکه آراسین‌دا مناسبتلرین نرماللاشماسینا هانسی‌سا اوچونجو دولت مانع اولمور، مانع اولانلار ایرانین ایچینده‌دیر. بونو مسعود پزشکیان دا بیلممیش دئییل. تصادفی دئییل کی، ایران پرزیدنتینین سونراکی جمله‌سی بونون اعترافیدیر: «بیز آذربایجانلا اولان بعضی آنلاشیلمازلیقلاری و پروبلملری آنلاییریق و درک ائدیریک. حساب ائدیرم کی، بورادا بیزیم ده بعضی سهولریمیز اولوب». اؤنملی اولان پزشکیانین آذربایجانا قارشی یانلیش سیاست یورودنلری بو یولدان چکیندیرمه‌سیدیر.

ایران پرزیدنتینین بونو باجاریب-باجارمایاجاغینی یاخین آیلاردا گؤرجییک».