گئنیش‌مقیاسلی و پلانلاشدیریلمیش بهتان و قارایاخما کامپانییاسینا باخمایاراق، آذربایجان اقلیم دانیشیقلاریندا تاریخی نتیجه‌لر الده ائتمه‌یه موفق اولدو.

Axar.az خبر وئریر کی، بو باره‌ده آذربایجان پرزیدنتی ایلهام علیئوین سوسیال شبکه‌ده‌کی رسمی حسابلارینداکی پایلاشیمیندا بیلدیریلیب.

اونون سؤزلرینه گؤره، «یاشیل دنیا نامینه همرایلیک» شعارینی رهبر توتان آذربایجان بیطرف واسطه‌چی کیمی چیخیش ائد‌رک دانیشیقلارین غرضسیز آپاریلماسی اوچون بوتون امکانلاری یارادیب:

«بوتون پروسس بویو بیز انکشاف ائتمکده اولان اؤلکه‌لرین، خصوصیله کیچیک آدا دولتلرینین و ان آز انکشاف ائتمیش دولتلرین احتیاجلارینی نظره آلان نتیجه الده ائتمه‌یه چاغیریش ائتدیک، چونکی اونلار اقلیم دییشمه‌لرینین آغیر یوکونو داشییرلار و اگزیستنسیال تهلوکه ایله اوزلشیرلر. بیز، همچنین مستملکه اداره‌چی‌لیی ایله داها دا آغیرلاشان اکولوژی پروبلملردن اذیت چکه‌ن خالقلار و رگیونلار ایله همرایلیک نمایش ائتدیردیک».