سپاه-این قدس قوه‌لرینین ۶ یوکسک رتبه‌لی ضابطی، بیر دیپلمات و ۳ ایرانلی پودراتچی آمریکا-نین بیروتداکی سفیرلیینه سیغینیب.

Axar.az خبر وئریر کی، بو سنساسیون معلوماتی کانال ۱ ایرانین بیروت‌داکی سفیرلیینین اجتماعیتله علاقه‌لر شعبه‌سینین رهبری احمد بشرته استنادلا یاییب.

قدس کورپوسونا باغلی "ناب جهادی" تلگرام کانالی ایسه یازیب:

"بو خبرین دوغرو اولوب-اولمادیغینی بیلمیریک، اما اعتبارلی کاناللاریمیزدا درج اولونوب! نه اوچون سپاه-این ۶ حربی مشاوری ایرانا قاییدا بیلمیر؟ پاسپورت پروبلمی، یوخسا؟..

بیر طرفدن بیر چوخ مارشروتون باغلانماسی، اوچوش اجازه‌سینین اولماماسی، دیگر طرفدن اسرائیل‌دن گلن تهدیدلر سببیندن بو جور ایشلر چوخ‌لو ریسکلرله مشایعت اولونور.

ایران اسلام انقلابی کئشیک‌چیلری کورپوسونون قدس بریقاداسینین ۶ حربی مشاوری، بیر دیپلمات و ۳ پودراتچینین اؤلکه‌یه قاییتماماسی ایله باغلی مسئله لوگیستیک دئییل. بو، بیر طرفدن بیروتداکی خارجی سفیرلیین فتنه‌سی، دیگر طرفدن شخصی وسوسه‌لریدیر.

بیروت‌داکی موقتی اقامتگاها چاتدیقدان سونرا بو گروپ گئجه یاریسی اورانی ترک ائدیب و ایران سفیرلیینین عضولری اونلارین آمریکا سفیرلیینه گئتدیکلرینی اؤیره‌نه‌نه قدر ۴۸ ساعت واخت کئچیب.

آمریکالیلار لیوان خارجی ایشلر ناظیرلیینه بیلدیریبلر کی، بو انسانلار اؤزلری ایرانا قاییتماماغی خواهش ائدیبلر و آمریکا و یا غرب اؤلکه‌لریندن سیغیناجاق ایسته‌ییبلر.

آمریکا سفیرلیینین رسمی‌سی ادعا ائدیب کی، بریقادا گنرالی رتبه‌لی بو مشاورلردن بیری ایران داخلینده گیزلی حربی یئرلر باره‌ده کونکرت معلومات مقابلینده سیغیناجاق آلماغا ضمانت ایسته‌ییب.

طبیعی کی، آمریکانین بو ادعاسینین نه درجه‌ده دوغرو اولدوغو بللی دئییل و بیزیم شبهه‌میز اودور کی، سوریا و لیوانداکی خاوسون اورتاسیندا آمریکا خصوصی خدمت ارگانلاری بو انسانلاری اوغورلاییبلار».