روسییا پرزیدئنتی ولادیمیر پوتینین بو گون کئچیردیی ایللیک مطبوعات کنفرانسی زمانی تورکییه‌نین «آنادولو» آگنتلیینین سوریا ایله باغلی سوالینا جوابین‌دا ایکی مقام دقت چکدی.

Axar.az خبر وئریر کی، بو سؤزلری پولیتولوگ الخان شاهین‌اوغلو بیلدیریب.

«بیرینجی‌سی، پوتین سوریا حادثه‌لرین‌دن قازانان اساس اؤلکه‌نین تورکییه دئییل، اسرائیل اولدوغونو سؤیله‌دی. پوتین سؤزلرینه اونو دا علاوه ائتدی کی، اسرائیل اوردوسونون سوریا اراضی‌سینده اله کئچیردیی اراضیلرده‌کی انسانلار گویا اسرائیله بیرلشمک باره‌ده مراجعتلر ائدیبلر. پوتین سانکی بونونلا اسرائیله حاق قازاندیریردی. پوتین حتی «اسرائیل چتین کی، همین اراضیلری ترک ائتسین» جمله‌سینی ده ایشلتدی.

پوتینین سوالا جوابیندا ایکینجی مقام پ.کا.کا ترور تشکیلاتییلا باغلی ایدی. روسیا لیدری پ.کا.کا باره‌ده دانیشارکه‌ن، اولا، «ترورچو» افاده‌سی ایشلتمه‌دی، عکسینه، «کوردلر دؤیوشکن ملتدیر» سؤزلریندن استفاده ائتدی. دیگر طرفدن، پوتین تورکییه‌نین سوریا اراضی‌سینده تهلوکه‌سیزلیک ماراقلارینین اولدوغونو بیلدیرمکله یاناشی، کوردلرین اؤزلرینین دولت ایستیینی بو سؤزلرله خاطرلاتدی: «بیرینجی دنیا محاربه‌سینین نتیجه‌لرینه اویغون اولاراق ۳۰ میلیونلوق کوردلرین دولتی اولمالی‌ایدی». پوتینین بو سؤزلریندن بئله بیر تصورات یاراندی کی، او اؤزو داخیلن کورد دولتینین وارلیغینی ایستییر، آنجاق رئال‌لیق فرقلی‌دیر.

یاخشی کی، رئال‌لیق فرقلی‌دیر، عکس حالدا کرئمل آذربایجانا دا قاراباغ اوزرینده سوورنلیینین برپاسینا مانع اولاردی».