آذربایجان و روسییا آراسیندا «شمال-جنوب» بین‌الخالق نقلیات دهلیزی ایله ترانزیت یوک‌داشیمالارین انکشافی مقصدیله امکداشلیق حاقیندا سازیش امضالانیب.

Axar.az رقمسال انکیشاف و نقلیات ناظیرلیینه استینادا خبر وئریر کی، سازیش ناظر رشاد نبی‌یئوین روسییایا ایش‌گذار سفری چرچیوه‌سینده امضالانیب.

معلوماتا گؤره، دمیریولو اینفراستروکتورونون و ترانزیت داشیمالارینین انکشافی اوزره امکداشلیغین شرطلرینی معین ائد‌ن سازیشین مقصدی نقلیات علاقه‌لرینین ثمره‌لیلیینی یوکسلتمک و «شمال-جنوب» دهلیزینین غرب مارشروتونون پتنسیالینی آرتیرماق، ائلجه ده، دمیریول نقلیاتی ایله یوکلرین داشینما حجمی‌نین آرتماسینی ایستیموللاشدیراراق داشیما حجملری‌نین آرتیم تمپی ایله دمیریول نقلیاتی اینفراستروکتورونون انکشافی آراسیندا بالان‌سی تامین ائتمک‌دیر.

سفر زامانی ر. نبی‌یئو، روسییا حکومتی صدری‌نین معاوینی ویتالی ساوئلیئو و نقلیات ناظری رومان استاروویتون ایشتیراکی ایله گؤروش کئچیریلیب. گؤروشده همچینین آوتوموبیل داشیمالارینین حیاتا کئچیریلمه‌سی اوچون مذاکره‌لر آپاریلیب.