ایران حکومتی‌نین سوریه‌یه حربی قوه گؤندرمه‌سینه، سوریه‌لیلره دستک وئرمک ادعاسیندا اولماسینا باخمایاراق بو اؤلکه‌ده ۱ نفر ده اولسون سوریه‌لی قاچقین یوخدور.

Axar.az خبر وئریر کی، بو، سورییا انسان حاقلاری مشاهیده گروپونون یایدیغی آماردان معلوم اولور.

گروپون یایدیغی آمارا اساساً تورکییه جمهوریتی ان چوخ سوریه‌لی قاچقین قبول ائد‌ن اؤلکه کیمی بیرینجی یئرده دایانیر.

بو اؤلکه‌ده رسمی اولاراق ۳،۱ میلیون سوریه‌لی قاچقینین یاشادیغی تصدیق اولونوب.

ایکینجی یئرده ۷۸۰ مین قاچقینلا آلمانییا، اوچونجو یئرده ۷۷۰ مین قاچقینلا لبنان و دؤردونجو یئرده ۶۴۰ مین سوریه‌لی قاچقینلا اردن دایانیر.

سونراکی یئرلری ایسه سیرا ایله عراق، مصر، اتریش و سوئد توتور.