اؤتن گون، دکابرین ۲۵-ده قازاخیستانین آکتاو شهری یاخینلیغین‌دا آذال-آ مخصوص طیاره‌نین قزایا اوغراماسی نتیجه‌سینده هلاک اولانلارین خاطره‌سی اؤلکه‌نین بوتون اراضی‌سینده ساعت ۱۲:۰۰-دا بیر دقیقه‌لیک سکوتلا یاد اولونوب.

Axar.az خبر وئریر کی، انسانلار قزادا هلاک اولانلارین خاطره‌سینه حرمت و احتیراملارینی بیر دقیقه‌لیک سکوتلا ایفاده ائدیبلر.

دولت بایراقلاری ائندیریلیب، نقلیاتین حرکتی دایانیب، خزر دنیزینین ساحل سولاریندا سیرالانان حربی گمیلردن فاصیله‌سیز فیت سسی وئریلیب، یایلیم آتشی آچیلیب.

قید ائدک کی، طیاره‌نین گؤیرته‌سینده اولان ۶۷ نفردن ۴۲-سی آذربایجان، ۱۶-سی روسیا، ۶-سی قازاخیستان، ۳-او ایسه قیرغیزیستان وطنداشی اولوب. اونلاردان ۳۸یi هلاک اولوب، ۲۹-او ساغ قالیب.

حادثه‌دن سونرا پرزیدنت ایلهام علیئوین تاپشیریغی ایله طیاره قزاسینین سببلرینین آراشدیریلماسی اوچون باش ناظر علی اسدووون رهبرلییی ایله دولت کمیسییاسی یارادیلیب.

دولت باشچی‌سینین موافق سرانجامی ایله دکابرین ۲۶-دا آذربایجان اراضی‌سینده ماتم اعلان ائدیلیب.